TOP
  • Home
  • Amawulire
  • Abaserikale musse ekitiibwa mu Ssemateeka - Ssaabasumba Lwanga

Abaserikale musse ekitiibwa mu Ssemateeka - Ssaabasumba Lwanga

Added 26th October 2020

SSAABASUMBA w’Essaza Ekkulu erya Kampala, Dr. Cyprian Kizito Lwanga asabye abakuumaddembe okuyisa obulungi Bannayuganda n'okussa ekitiibwa mu ssemateeka w’eggwanga.

Ssaabasumba Lwanga n'omumyuka wa Pulezidenti, Edward Kiwanuka Ssekandi.

Ssaabasumba Lwanga n'omumyuka wa Pulezidenti, Edward Kiwanuka Ssekandi.

SSAABASUMBA w'Essaza Ekkulu erya Kampala, Dr. Cyprian Kizito Lwanga asabye abakuumaddembe okuyisa obulungi Bannayuganda n'okussa ekitiibwa mu ssemateeka w'eggwanga.

Yasinzidde mu Mmisa ey'okukuza olunaku lw'Essaza erya Kampala n'okujaguza emyaka 54 bukya ssaza lino litandikibwawo mu 1966. Yavumiridde ebikolwa eby'okutyoboola eddembe ly'obuntu naddala mu kiseera kino eky'okunoonya akalulu.

Yabadde mu Lutikko e Lubaga ku Ssande. "Gavumenti bw'eba yateekawo okulonda, abakuumaddembe balina okussa ekitiibwa mu ddembe ly'obuntu n'okubaleka okwetaaya," Ssaabasumba bwe yategeezezza. Yavumiridde effujjo eryakolebwa ku Musumba w'e Masaka eyawummula, John Baptist Kaggwa n'ab'Embogo wiiki ewedde poliisi ng'eduumirwa Alex Mwine Mukono bwe yakuba mu bantu abali mu Mmisa omukka ogubalagala.

Dr. Lwanga era yatongozza omubala gw'Essaza omupya ogugamba: Tunnyikize okukkiriza, okusuubira n'okwagala nga tubeera bajulirwa ba Kristu abalungi. Omumyuka wa Pulezidenti, Edward Kiwanuka Ssekandi yeebazizza Eklezia olw'okulambika abantu n'okubagatta.

Ate Katikkiro wa Buganda, Charles Peter Mayiga mu bubaka bwe yatisse minisita wa Kabaka ow'ebyenkulaakulana, Dr. Prosperous Nankindu Kavuma, yasabye abantu okwongeramu amaanyi okulaba nga bakuuma n'okwongera kw'ebyo ebituukiddwaako mu myaka 54 egy'essaza.

More From The Author

Emboozi z’omuwandiisi endala

Emboozi endala

NEZIKOOKOLIMA

▶️ Abaana abakoze ebibuuzo ...

▶️  NEZIKOOKOLIMA: Abaana abakoze ebibuuzo ebyakamalirizo musigale nga mukyali baana awaka.  

Ssempijja ng'asomesa abalimi.

Okugattika ebirime kye kiku...

MINISITA w'obulimi obulunzi n'obuvubi, Vincent Ssempijja asinzidde mu disitulikiti y'e Bukomansimbi n'ategeeza...

Abakristaayo lwe basabira wabweru ku Ssande.

Obulabirizi bw'e Namirembe ...

OBULABIRIZI bw'e Namirembe buyingidde mu nkaayana z'ettaka ly'ekkanisa e Kyanja n'ebugumya Abakristaayo  okusigala...

Jonathan McKinstry (wakati) ng'abuulirira Khalid Aucho (ku kkono) ne Mike Azira (ku ddyo).

Micheal Azira naye annyuse ...

MICHEAL Azira agucangira mu kiraabu ya New Mexico United yeegasse ku bassita ba Cranes babiri abakannyuka omupiira...

Nyombi ng'alaga olubuto mw'afulumira.

Afulumira mu kapiira alaajanye

OMUVUBUKA ow'emyaka 32 alaajana oluvannyuma ly'okumulongoosa ekyenda n'atawona nga kati yeetaaga obukadde butaano...