TOP
  • Home
  • Amawulire
  • Okulonda kw'abavubuka e Kayunga kuzzeemu okuyiika

Okulonda kw'abavubuka e Kayunga kuzzeemu okuyiika

Added 28th October 2020

OKULONDA kw’abavubuka e Kayunga kuyiise omulundi ogw’okubiri oluvannyuma lw’enjuyi ezivuganya okulemwa okukkaanya ku biti by’abalonzi abatuufu abateekeddwa okwetaba mu kulonda.

Amagye ne poliisi nga batangira abavubuka okukola effujjo.

Amagye ne poliisi nga batangira abavubuka okukola effujjo.

OKULONDA kw'abavubuka e Kayunga kuyiise omulundi ogw'okubiri oluvannyuma lw'enjuyi ezivuganya okulemwa okukkaanya ku biti by'abalonzi abatuufu abateekeddwa okwetaba mu kulonda.

         Okulonda okwasooka ku lunaku lwa Monday kwayiika abavubuka bwe baagwa mu bubookisi bw'obululu ne babusambasamba awo ab'obuyinza ne basalawo okulonda.          Bwe baabadde bazzeemu omulundi ogwokubiri era okulonda kwalemye nga kati kisigalidde eri ssentebe w'akakiiko k'ebyokulonda mu ggwanga omulamuzi Simon Byabakama okusalawo ddi akalulu lwe kanaakubwa.
          Ekifo ekiriko kalumanywera kye kya ssentebe w'abavubuka ng'enjuyi zombi ez'abaagala ekifo kino okuli olwa Kasule Dan owa NRM n'olwa Nickson Ssenkusu zaalemwa okukkaanya ku balonzi abatuufu abateekeddwa okwetaba mu kulonda.

         Aba Kasule baawakanyizza eky'okulondesa abavubuka abayizi ne babagamba nti tebazaalibwa Kayunga sso nga Ssenkusu agamba nti bateekeddwa okulonda kubanga akakiiko k'ebyokulonda kaawandiise ebbaluwa ebawa olukusa okulonda.

          Ab'ebyokwerinda okubadde poliisi n'amaggye baalabye abavubuka ebifuba bitandise okubabuguma, amyuka RDC James Mukose Motondole ne DPC wa Kayunga John Lukooto baatandise okugobawo abavubuka nga bwe babategeeza nti okulonda kusaziddwamu.

         Akulira ebyokulonda e  Kayunga Rashid Musinguzi yagambye nti yawandiise lipoota naagiweereza e Kampala ku ofiisi z'akakiiko k'ebyokulonda basalewo ekiddako.

More From The Author

Emboozi z’omuwandiisi endala

Emboozi endala

NEZIKOOKOLIMA

▶️ Abaana abakoze ebibuuzo ...

▶️  NEZIKOOKOLIMA: Abaana abakoze ebibuuzo ebyakamalirizo musigale nga mukyali baana awaka.  

Ssempijja ng'asomesa abalimi.

Okugattika ebirime kye kiku...

MINISITA w'obulimi obulunzi n'obuvubi, Vincent Ssempijja asinzidde mu disitulikiti y'e Bukomansimbi n'ategeeza...

Abakristaayo lwe basabira wabweru ku Ssande.

Obulabirizi bw'e Namirembe ...

OBULABIRIZI bw'e Namirembe buyingidde mu nkaayana z'ettaka ly'ekkanisa e Kyanja n'ebugumya Abakristaayo  okusigala...

Jonathan McKinstry (wakati) ng'abuulirira Khalid Aucho (ku kkono) ne Mike Azira (ku ddyo).

Micheal Azira naye annyuse ...

MICHEAL Azira agucangira mu kiraabu ya New Mexico United yeegasse ku bassita ba Cranes babiri abakannyuka omupiira...

Nyombi ng'alaga olubuto mw'afulumira.

Afulumira mu kapiira alaajanye

OMUVUBUKA ow'emyaka 32 alaajana oluvannyuma ly'okumulongoosa ekyenda n'atawona nga kati yeetaaga obukadde butaano...