TOP
  • Home
  • Amawulire
  • Minisita agobye Kayongo mu katale ka Owino abasuubuzi ne batabuka

Minisita agobye Kayongo mu katale ka Owino abasuubuzi ne batabuka

Added 9th November 2020

ABASUUBUZI n’abakulembeze mu katale ka St. Balikuddembe balayidde obutawaayo buyinza eri kitongole kya KCCA nga bwe baalagiddwa. Nga November 3, dayirekita wa KCCA, Dorothy Kisaka yawandiikidde abaddukanya kkampuni ya St. Balikuddembe Market Stales, Space and Lockup Shops Owners Association Ltd (SSLOA) n’abalagira okuwaayo obuyinza bw’akatale eri KCCA.

Omu ku basuubuzi mu katale ka Owino ng’atabuse.

Omu ku basuubuzi mu katale ka Owino ng’atabuse.

 ABASUUBUZI n'abakulembeze mu katale ka St. Balikuddembe balayidde obutawaayo buyinza eri kitongole kya KCCA nga bwe baalagiddwa. Nga November 3, dayirekita wa KCCA, Dorothy Kisaka yawandiikidde abaddukanya kkampuni ya St. Balikuddembe Market Stales, Space and Lockup Shops Owners Association Ltd (SSLOA) n'abalagira okuwaayo obuyinza bw'akatale eri KCCA.

Kayongo.

Pulezidenti Museveni yalagidde Minisita wa KCCA okuggyako obukulembeze bw'obutale bwa Gavumenti bwonna balonde obulala olw'obulyake n'okunyuunyunta abasuubuzi obuzze bweyoleka mu bukulembeze obuliko. Wano, Kisaka we yasinzidde okuwandiikira Godfrey Kayongo Nkaja n'aba SSLOA ebbaluwa ng'abasaba obukulembeze bw'akatale babukwase KCCA esobole okulondesa abakulembeze abapya Kayongo n'abasuubuzi kye baagaanyi.

Ku Lwomukaaga, abasuubuzi baatuuzizza olukiiko lwa bannamawulire ne bategeeza nti, KCCA yawubisiddwa n'ewandiika ebbaluwa nga tesoose kutuula nabo kuwulira bibavaamu. Aba SSLOA bagamba nti, mu 2009, Pulezidenti Museveni yalagira KCCA okuguza abasuubuzi ettaka okuli obutale era abasuubuzi ne beewola ssente mu bbanka ya DFCU obuwumbi buna n'obukadde 200 ne bagula akatale.

Omugagga Hassan Basajjabalaba naye akatale yali akaagala era ng'alina ssente ze yali ataddemu gavumenti n'emuliyirira n'akavaamu. Kayongo yagambye nti, okuva lwe baagula akatale ne kadda mu mikono gy'abasuubuzi, KCCA tekyalina buyinza ku katale n'alabula bwe baba baagala okukozesa amaanyi okuwamba akatale, bagende nga beetegese.

"Mu mateeka, tewali ngeri KCCA gy'esobola kutwala katale kubanga ebiwandiiko byonna kwe twakagulira tubirina naye bwe gaba maanyi bakisobola kyokka naffe tubalabula bajje mpola." Kayongo bwe yagambye. Mu bbaluwa ya Museveni yalagira kkampuni ezaagula ettaka okuli obutale ziriyirirwe ssente ze baasaasaanya era wano aba SSLOA we baasinzidde okugamba nti, tebayinza kuwaayo katale nga tebasoose kutuuka ku nzikiriziganya na KCCA ku ssente ze baagula akatale.

Bagasseeko nti, balina n'okukkaanya ku ngeri abasuubuzi abasoba mu mutwalo mulamba abaasonda ssente gye bagenda okusasulwamu ssente zaabwe ze baatekayo okwekulaakulanyiza akatale okumala emyaka egisoba mu 10. "Tetugenda kukkiriza obukulembeze bwa Kayongo kumala gawaayo buyinza bwa katale kaffe okuggyako nga gavumenti emaze okuyita mu mitendera emituufu", Jane Nabirye omu ku basuubuzi bwe yategeezezza.

Najja Ntulume, Wilson Sserwadda ne Jane Nassolo baalabudde pulezidenti Museveni ku bamafiya mu gavumenti abaamuwabya n'awa ekiragiro ekiggyawo enkola y'abasuubuzi okweddukanyiza obutale bwabwe kye bagambye nti kigenda kuddamu okuleetawo okusika omuguwa n'entalo.

Kayongo yagasseeko nti, abaawa Pulezidenti Museveni amagezi bwe gati mu kiseera ky'okulonda, baalubirira kumukyayisa bantu ekiyinza okumuviirako okufiirwa akalulu naddala mu bakolera mu butale.

More From The Author

Emboozi z’omuwandiisi endala

Emboozi endala

NEZIKOOKOLIMA

▶️ Abaana abakoze ebibuuzo ...

▶️  NEZIKOOKOLIMA: Abaana abakoze ebibuuzo ebyakamalirizo musigale nga mukyali baana awaka.  

Ssempijja ng'asomesa abalimi.

Okugattika ebirime kye kiku...

MINISITA w'obulimi obulunzi n'obuvubi, Vincent Ssempijja asinzidde mu disitulikiti y'e Bukomansimbi n'ategeeza...

Abakristaayo lwe basabira wabweru ku Ssande.

Obulabirizi bw'e Namirembe ...

OBULABIRIZI bw'e Namirembe buyingidde mu nkaayana z'ettaka ly'ekkanisa e Kyanja n'ebugumya Abakristaayo  okusigala...

Jonathan McKinstry (wakati) ng'abuulirira Khalid Aucho (ku kkono) ne Mike Azira (ku ddyo).

Micheal Azira naye annyuse ...

MICHEAL Azira agucangira mu kiraabu ya New Mexico United yeegasse ku bassita ba Cranes babiri abakannyuka omupiira...

Nyombi ng'alaga olubuto mw'afulumira.

Afulumira mu kapiira alaajanye

OMUVUBUKA ow'emyaka 32 alaajana oluvannyuma ly'okumulongoosa ekyenda n'atawona nga kati yeetaaga obukadde butaano...