TOP
  • Home
  • Amawulire
  • Minisita atongozza olukiiko lwa UPRS olukung'aanya ssente z'abayimbi

Minisita atongozza olukiiko lwa UPRS olukung'aanya ssente z'abayimbi

Added 25th November 2020

Minisita w'ebyamateeka , Polof. Ephraim Kamuntu atongozza olukiiko olufuzi olw’ekibiina ekirwanirira eddembe ly’abayiiya n’okukung’aanya ssente eziva mu bye bakola (UPRS) olwalondebwa gye buvuddeko n’abakubiriza okuba ab’esimbu nga bakola emirimu gyabwe.

Minisita Kamuntu (wakati) n'abamu ku bammemba ba UPRS.

Minisita Kamuntu (wakati) n'abamu ku bammemba ba UPRS.

Minisita w'ebyamateeka , Polof. Ephraim Kamuntu atongozza olukiiko olufuzi olw'ekibiina  ekirwanirira eddembe ly'abayiiya n'okukung'aanya ssente eziva mu bye bakola (UPRS) olwalondebwa gye buvuddeko n'abakubiriza okuba ab'esimbu nga bakola emirimu gyabwe.

Era akubirizza abayimbi ne bannabitone abalala okwegatta bakolere wamu nti lwe bajja okufuna mu nteekateeka eno. Bino yabyogeredde ku Hotel Africana awaabadde omukolo guno. Baafunye n'okubangulwa mu kaweefube w'okulaba nga bakola emirimu gyabwe n'obuvunaanyizibwa.

Minisita yategeezezza nga kino bwe kikoleddwa mu kiseera ekituufu nga ne gavumenti evuddeyo n'amaanyi okuyamba bannabitone n'awa eky'okulabirako eky'etteeka eryayisibwa okukugira abantu okumala gakozesa bintu by'abalala bye bayiiyizza nga tebamaze kufuna lukusa. Yagambye nti bwe banaayogeza eddoboozi erimu bajja kufunamu nnyo.

Ye Justin Bas omu ku bammemba ku lukiiko luno agambye nti babadde balindiridde mukolo guno okutandika okukola era kati bagenda kulonda obukiiko obugenda okukola emirimu egy'enjawulo okulaba ng'abayimbi n'abantu abalala baganyulwa mu kibiina kino n'okufuna ssente ezeegasa okuva mu bye bakola.

Bino we bibeereddewo ng'abayimbi ne bannabitone abalala beemulugunya ku ssente entono ezibaweebwa okuva mu bintu bye bakola ate nga bagamba ssente nnyingi ezisoloozebwa era nga kino kye kyaviirako olukiiko lwa James Wasula eyali akulira UPRS okugobwa ne bateekawo enteekateeka y'okufuna olukiiko olupya.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....