TOP

Ebya Muzaata birimu ensonga z'amaka

Added 26th November 2020

Sheikh Muzaata.

Sheikh Muzaata.

SHEIKH Nuhu Muzaata Batte okutwalibwa mu ddwaaliro yasoose kukubwa puleesa olw'ensonga z'amaka. Ensonda mu ffamire ya Muzaata zaategeezezza nti yafuna obutakkaanya ne mukazi we, Klutum Nabunya Muzaata obwavaako Nabunya okuvaako awaka. Kigambibwa nti Nabunya abadde amaze emyezi esatu nga takyasula waka.

Ensonga zino Muzaata yayagala zikwatibwe mu ngeri ya kisajja kikulu n'atwala obuvunaanyizibwa okubuulirira mukyala we n'amujjukiza nga okusowagana bwe kutabula mu bufumbo.

Kyategeezeddwa nti Muzaata ensonga yaziyingizaamu bamaseeka era omukyala bw'ataabawulirizza puleesa ne zirinnya n'atwalibwa mu ddwaaliro lya IHK e Namuwongo ku Ssande. Ajjanjabirwa mu kisenge ky'abalwadde abayi. Kyokka mutabani we, Sulaiman Sowed Muwonge amulabirira mu ddwaaliro yagambye nti embeera ya kitaawe egenda erongooka.

Aba ffamire bagamba nti obulwadde baasooka kuguyita musujja gwa nsiri era Muzaata amaze wiiki nnamba awaka, okutuusa lwe baalabye ng'embeera tetereera ne bamwongerayo mu ddwaaliro. Wabula omu ku baffamire yagambye nti embeera yasajjuddwa nsonga z'amaka.

Era Muzaata yawulirwa nga yeemulugunya olwa mukyala we okumulekerera nga mulwadde n'atabeerawo kumujjanjaba. Muka Muzaata yali akolera mu KCCA ku City Hall, kyokka kati yakyusa akolera mu munisipaali ya Kampala Central.

Mutabani we yagambye: kituufu Sheikh Mulwadde, kyokka si muyi. Eggulo yakedde kwenywesa caayi, yeenaaza, ayogera era buli kyetaago akyetuusaako nga tayambiddwako. Bukedde teyasobodde kwogera na muka Muzaata ku nsonga z'obutakkaanya bwe baafuna.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....