TOP
  • Home
  • Amawulire
  • Amuriat alumbye Museveni okweggyako Kayihura ne Mbabazi

Amuriat alumbye Museveni okweggyako Kayihura ne Mbabazi

Added 30th November 2020

PATRICK Oboi Amuriat, avuganya ku bwapulezidenti ku kaadi ya FDC alumbye Pulezidenti Museveni olw’okweggyako egimu ku mikwano gye egimuyambye okuwangaala mu buyinza. Yawadde ekyokulabirako ekya Dr. Kizza Besigye, eyali omuduumizi wa Poliisi Gen. Kale Kayihura, eyali katikkiro John Patrick Amama Mbabazi, ne Gen. Henry Tumukunde.

Amurit (ali mu bigere) mu mmisa gye yeetabyemu mu Eklezia ya Christ the King e Kabaale.

Amurit (ali mu bigere) mu mmisa gye yeetabyemu mu Eklezia ya Christ the King e Kabaale.

Amurit ng'ayita mu kibuga ky'e Mbarara.

PATRICK Oboi Amuriat, avuganya ku bwapulezidenti ku kaadi ya FDC alumbye Pulezidenti Museveni olw'okweggyako egimu ku mikwano gye egimuyambye okuwangaala mu buyinza. Yawadde ekyokulabirako ekya Dr. Kizza Besigye, eyali omuduumizi wa Poliisi Gen. Kale Kayihura, eyali katikkiro John Patrick Amama Mbabazi, ne Gen. Henry Tumukunde.

Bino okubyogera yabadde asisinkanye abawagizi be mu Ggombolola y'e Nyakabande, we bazaala Kayihura. Bwe yabadde ayingira Disitulikiti y'e Kisoro, Poliisi yasudde emisanvu mu kkubo ng'eyagala abantu abaamuwerekeddeko basooke kukeberebwa kirwadde kya ssennyiga omukambwe.

Amuriat eyabadde tasalikako musale yavudde mu mmotoka ye n'atandika okuggyawo ebyuma ebyabadde bisuuliddwa mu kkubo bwatyo n'ayingira n'oluseregende lw'emmotoka ze ku mpaka nga Poliisi emutunuulidde. Aduumira Poliisi mu disitulikiti y'e Kisoro, Patrick Byaruhanga, yagezezzaako okumulemesa okukuba kampeyini ng'amulanga okubayisaamu amaaso. Oluvannyuma yatutte basajja be mu kabuga k'e Muganza, n'asalako oluguudo oludda e Cyanika ku nsalo ya Uganda ne Rwanda.

Amuriat, yavudde mu mbeera n'afuluma mu mmotoka ye n'atandika okutambuza ebigere okwolekera Cyanika. Wabula DPC Byaruhanga teyamuganyizza kutuuka wala n'alagira basajja be ne bamwetooloola kye yakoze n'atuula wansi wakati mu kwecanga.

Yasabye omuzindaalo n'ayongera eri abawagizi be bakira abaleekaanira waggulu nga bwe basaakaanya. Oluvannyuma yagenze n ku kisaawe ky'oku Ssaza mu Munisipaali y'e Kisoro, we yakubye olukuhhaana n'ayogera n'abantu wakati mu byokwerinda eby'amaanyi.

Amuriat, yagenze mu bitundu eby'enjawulo mu Kisoro n'amala n'ayolekera disitulikiti y'e Rubanda, ne Kabale. Ku Ssande, Amuriat, yakedde mu mmisa ku Eklezia ya Christ the King esangibwa mu Munisipaali y'e Kabale.

Amyuka bwanamukulu wa Christ the King Parish, Faaza Mathias Kwehangana, yasabye abeesimbyewo ku bifo eby'enjawulo okwewala okusuubiza bye bataatuukirize. Yasabye akakiiko k'ebyokulonda nabo okulaba nga bategeka akalulu akalimu amazima n'obwenkanya kireme kuviirako butabanguko mu ggwanga.

Amuriat eyabadde mu bigere nga tayambadde ngatto. Yasabye abantu mu bitundu bya Kigezi bamuwagire kuba ebintu bingi byayigidde ku mwana waabwe Dr. Kizza Besigye, by'ayagala abakolere ng'afuuse Pulezidenti.

More From The Author

Emboozi z’omuwandiisi endala

Emboozi endala

Katikkiro Mayiga ng’ayogera.

▶️ Ebibuuzo 10 eri Katikkir...

ABATAKA abakulu b'ebika n'abantu ab'enjawulo bavuddeyo ku byayogeddwa Katikkiro Charles Peter Mayiga ku mbeera...

Fr. Musaala ng'akulembeddemu okusinza.

▶️ Fr. Musaala ng'akulembed...

▶️ Fr. Musaala ng'akulembeddemu okusinza mu Lutikko e Lubaga.

Abamu ku ba NUP e Jinja.

Aba NUP bamalirizza olusiri...

PULEZIDENTI wa NUP, Robert Kyagulanyi Sentamu asabye bannakibiina abalondebwa ku mitendera egy'enjwulo naddala...

Ennyanja ya Kabaka.

Abadde adduka ekikwekweto a...

ABADDE adduka ekikwekweto kya poliisi ne LDU mu Ndeeba agudde mu nnyanja ya Kabaka mu Ndeeba n'afiiramu. Brian...

Ggoolokipa wa KCCA Charles Lukwago ng’abuuse okulemesa aba Villa okumuteeba.

KCCA ne Villa zeenyooma

Egyazannyiddwa mu liigi URA 3-1 BUL Kitara 0-3 Vipers Leero (Ssande) KCCA - Villa, Lugogo 10:00 KCCA ne...