TOP
  • Home
  • Amawulire
  • Bobi Wine: Abawagizi be bagudde ku kabenje mu kampeyini

Bobi Wine: Abawagizi be bagudde ku kabenje mu kampeyini

Ekibuga ky’e Mukono nga kikwatiridde ttiyaggaasi.

Ekibuga ky’e Mukono nga kikwatiridde ttiyaggaasi.

ROBERT Kyagulanyi Ssentamu yatandikidde mu maanyi ng'anoonya akalulu mu ssaza ly'e Kyaggwe. Eggulo mu lukuhhaana lwe yakubye e Buikwe, abakulembeze baayo baamubuulidde bye baagala abakolereko singa ayitamu ku bwa pulezidenti bwa Uganda.

Abaafunye akabenje nga babaggya mu mmotoka.

Wabula olukuhhaana lwe olwasembyeyo e Mukono lwaggweeredde mu ttiyaggasi nga poliisi egumbulula abantu abaabadde bakuhhaanye. Kyagulanyi yasimbudde wuwe e Magere n'ayitira e Gayaza, Nakifuma we yayogeredde mu lukungaana olwasoose.

Omusawo mu ddwaaliro e Kawolo ng'ajjanjaba Robert Kigozi eyamenyese enkizi.

Yeeyongeddeyo e Buikwe n'afundikirira e Mukono wabula yabadde agenda okwogera, poliisi n'ewandagaza obukebe bwa ttiyaggaasi ekitundu kyokka ne kikwata enkoomi y'omukka abantu ne babuna emiwabo. Bino byagenze okugwawo ng'abakulembeze aboogedde ne Bukedde bategeezezza nti baagala atereeze eby'obulamu, okwongeza abasomesa omusaala, okuzimba amatendekero g'ebyemikono n'enguudo embi.

Jamadah Kajoba omumyuka wa Meeya w'e Mukono yasabye nti Kyagulanyi atandikire ku kuzimba amalwaliro mu byalo e Mukono. Kuno ayongerezeeko okutereeza ebyobulimi kubanga y'enkizi ya Uganda. Ayagala ayongeze abasomesa omusaala olwo awe abantu ddemokulasiya omutuufu basobole okwetaaya.

Omubaka Nambooze.

Ye Robert Ssozi kansala akiikirira omuluka gw'e Nantabuulirirwa ku disitulikiti e Mukono, ayagala ebyemikono bissibweko essira, abalongooseze enguudo embi ezireeta akalippagano k'ebidduka agatteko okulondoola emirimu egikolebwa mu bitongole bya Gavumenti.

Johnbosco Wamala omumyuka wa ssentebe w'omuluka gwa Nantabulirwa e Mukono ayagala afunire abavubuka emirimu kubanga bangi basomye naye tebalina kyakukola. Olwo ayongereko okutaasa abatulugunyizibwa ku nnyanja. Augustine Romeo kkansala akiikirira Nsuube ne Kawuga ayagala alwanyise ekibbattaka, azze n'ebyenjigiriza engulu.

Abawagizi ba Kyagulanyi nga bayisa ebivvulu.

Yahaya Bakka muvuzi wa bodaboda e Njeru ayagala Kyagulanyi alwanirire abavubuka abaana abakola mu makolero okufuna ku ssente ezitegeerekeka. Ate Moses Ssemanda omutuuze ku kyalo Nava ayagala enguudo zaabwe bazikube kkolaasi.

Moses Lukanga ayagala abatereereze ebyobulimi n'obulunzi, ate Gideon Kiyimba omutuuze w'e Najja ayagala Kyagulanyi abawonye ettemu lyoku nnyanja erikolebwa abaserikale ba UPDF.

EBYABADDE E MUKONO                                                                                                                                                                                   Prado UAR 689H eyabadde etambuliramu abawagizi ba Kyagulanyi yagudde e Naggojje abaabaddemu ne balumizibwa. Omu ku baabadde batambulira mu mmotoka eno ye Margaret Ssimbwa mukyala wa Paul Ssimbwa avuganya ku kifo ky'Omubaka wa Nakifuma mu palamenti ng'ali ku kkaadi ya NUP.

Kyagulanyi ng'ayogera eri abantu e Nakifuma.

Abalala ababaddemu ye; Kaggwa Ssimbwa, Drake Ssentongo Abadallah Kiwanuka Mulimamayuuni yagambye nti poliisi ekola kikyamu okulondoola Kyagulanyi atalina musango. Mu kifo kye kimu, Jonathan Sempala ow'e Nakifuma yafudde baakamutuusa mu ddwaaliro e Kawolo oluvannyuma lw'okufuna akabenje bwe yabadde ava e Nakifuma ng'egenda e Lugazi.

Akabenje yakafunidde Mayangayanga e Nagojje. Poliisi yagambye nti omugenzi yabadde ku bodaboda ezeetomedde abaazibaddeko ne bawandagala mu luguudo, emmotoka ya poliisi n'ebalinnya n'afiirawo. Abalala abaalumiziddwa kuliko: Stephen Sebuliba Kaggwa w'e Nakifuma , Musa Sentongo w'e Mukono , Robert Kigozi, Nkulagirira naye naye w'e Nakifuma ng'ono abadde aweerezeddwa mu ddwaaliro e Mulago olw'okumenyeka enkizi.
Sumaya Wasajja w'e Kibubbu Lugazi, Medy Sebandeke Kondakita wa ttakisi e Nakifuma ne Isabirye Bashir eyamenyese omukono.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....