TOP
  • Home
  • Amawulire
  • Musabire eggwanga nga twetegekera akalulu ka 2021 - Bp. Kakembo

Musabire eggwanga nga twetegekera akalulu ka 2021 - Bp. Kakembo

Added 4th December 2020

Abasumba okuva mu bitundu by'eggwanga ebyenjawulo babanguddwa ku ngeri gye basobola okulung'amyamu ekisibo kya Kristo nga tuyingira omwaka 2021 ogw'okukuba obululu.

Omutume John Bungo ne Bp. Joel Kakembo nga boogerezeganya mu lukung'aana lw'okusaba

Omutume John Bungo ne Bp. Joel Kakembo nga boogerezeganya mu lukung'aana lw'okusaba

Abasumba okuva mu bitundu by'eggwanga ebyenjawulo babanguddwa ku ngeri gye basobola okulung'amyamu ekisibo kya Kristo nga tuyingira omwaka 2021 ogw'okukuba obululu.

Enteekateeka ya Culture of Honor and Love Day ku mulundi giuno yayindidde Resort Hotel e Kasangati ku Lwokusatu ng'ewomeddwaamu omutwe omuteesiteesi Bishop Joel Kakembo ng'ono y'atwala amakanisa ga Mount Zion mu Uganda.

"Tuzze okubeera nga tuteekebwateebwa abasajja ba Katonda okulaba nga tukulembera ekisiibo kya Kristu omwaka ogujja nga tuli bakkakkamu nga tulina omwoyo wa Mukama. Ekirala omwaka ogujja mwaka gwa byakulonda n'olwekyo twagala okulung'amya obulungi ekkanisa okulaba ng'abantu basigala bakkakkamu nga tebagenda na jjengo lya bannabyabufuzi abamu babifiire namu," Bp. Kakembo bwe yannyonnyodde.

Yayongeddeko nti ebigenda mu maaso mu kadaala k'ebyobufuzi binakuwaza  ekibawalirizza nga abasumba okubakagana n'eddimu ly'okusabira eggwanga okulaba ng'okulonda kubaawo mu mirembe ate ne muggwa mu mirembe.

"Bwe tulaba abantu abafa amasasi, abamu abakazi balina embuto ate ne babakuba ttiyagaassi ebyo nno bijja olw'okuba abantu bagezaako okulaba nti bafuna kye baagala, balina bye be bawagira be balowooza nti waliwo abali mu buyinza ababagaanyi okubawagira nga bwe baagala oba okutuuka mu bifo gye balina okukubira kampeyini. Kati tusaba Gavumenti ne Poliisi okuddirizaamu ku bukambwe bwayo ate ne tusaba n'abalonzi nabo baddirize ku ngeri gye bayuwawo omubiri," Bwa'tyo Bp. Kakembo bwe yayongeddeko.

Abamu ku  boogezi abeetabye mu kusaba kuno kwabaddeko; Omutume Dr John Bunjo, Bp Edward Lubwama, Dr Robert Kamanda ne Dr Daniel Batambuze abaakuutidde abasumba abalala okubeera obumu ng'ekkanisa ya Kristo nga tuyingira 2021 mu maanyi n'okulung'amya obulungi ekisibo kya Kristu.

 

More From The Author

Emboozi z’omuwandiisi endala

Emboozi endala

Amaka ga Bisaka agali ku kyalo Kapyemi.

Obugagga bwa Bisaka buwunii...

OBUGAGGA Bisaka bw'alese obuli mu buwumbi buwuniikirizza abantu abagamba nti, tabadde na mulimu mutongole gw'aggyamu...

Abantu nga baaniriza Pulezidenti e Busega.

Abawagizi ba pulezidenti Mu...

Abawagizi ba pulezidenti Museveni wano mu Kampala bakwatiridde ku makubo okuva e Busega okumwaniriza nga bamukulisa...

Honarebo Ssegirinya ng'alumya abayaaye.

Ssegirinya wansuubiza okunf...

NKUBAKYEYO Goolixy Nalumansi eyali muninkini w'omubaka omulonde owa Kawempe North, Muhammad Ssegirinya akiise ensingo....

Kansala Bitamiisi (ku kkono) abantu gwe baagambye nti muto.

Omwana asuuzizza maama eggaati

ABANTU bawuniikiridde bwe balabye omuwala abamu gwe baayisa omwana ng'awangudde obwakansala okukiikirira eggombolola...

Bakaluba Mukasa.

NUP ewangudde disitulikiti ...

EKIBIINA kya National Unity Platform (NUP) kyeyongedde okweriisa enkuuli mu kulonda kwa bassentebe ba disitulikiti...