TOP

Maama eyakubwa ttiyaggaasi mu mbugo apooca

Added 4th December 2020

Harriet Nakwedde eyagenze okulambula ku Bukirwa mu ddwaaliro.

Harriet Nakwedde eyagenze okulambula ku Bukirwa mu ddwaaliro.

MAAMA w'abaana Justine Bukirwa 45, eyakubwa akakebe ka ttiyaggaasi mu mbugo ne kamwabikiramu, avundira mu kalwaliro akamu e Kayunga.

          Justine Bukirwa 45, ye yagudde ku kyokya ku Lwokubiri poliisi bwe yabadde agumbulula abawagizi ba Robert Kyagulanyi Ssentamu avuganya ku bwapulezidenti ku kibiina kya NUP abaabadde babemberedde ku makubo nga bamulinze e Nazigo mu disitulikitit y'e Kayunga. (Ebif. Bya Saul Wokulira)

Bukirwa n'ebiwundu ku bisambi n'omukono.

Ono akakebe ka ttiyaggaasi kaamusanze ku mudaala gwe mu Kabuga k'e Nazigo waatundira ebintu nga nnakati, emboga n'ennyanya ne kamwabikira mu sikaati bwe yabadde alya ekyemisana.  Bukirwa alina abaana mukaaga era yabadde abalabirira. Yabadde atudde ku katebe ak'ekibbo yagenze okuwulira ng'ekintu kimuyingidde mu sikaati n'ekyaddiridde kunyooka mukka n'ebyazzeeko teyabitegedde.

          Ono ajjanjabirwa ku kalwaliro ka Acute Medical Center. Yafunye ebiwundu bibiri ebinene mu bisambi n'ekirala ku mukono nga kino kituukira ddala ku ggumba.

          Harriet Nakwedde akwatidde NUP bendera ku kifo ky'omubaka omukyala e Kayunga amulambuddeko mu ddwaaliro n'asaba poliisi okuvaayo eyambe omukyala ono kubanga ye taata era maama w'abaana be ng'ate talina buyambi bumwongerayo mu ddwaaliro erisingako.

 

More From The Author

Emboozi z’omuwandiisi endala

Emboozi endala

Katikkiro Mayiga ng’ayogera.

▶️ Ebibuuzo 10 eri Katikkir...

ABATAKA abakulu b'ebika n'abantu ab'enjawulo bavuddeyo ku byayogeddwa Katikkiro Charles Peter Mayiga ku mbeera...

Fr. Musaala ng'akulembeddemu okusinza.

▶️ Fr. Musaala ng'akulembed...

▶️ Fr. Musaala ng'akulembeddemu okusinza mu Lutikko e Lubaga.

Abamu ku ba NUP e Jinja.

Aba NUP bamalirizza olusiri...

PULEZIDENTI wa NUP, Robert Kyagulanyi Sentamu asabye bannakibiina abalondebwa ku mitendera egy'enjwulo naddala...

Ennyanja ya Kabaka.

Abadde adduka ekikwekweto a...

ABADDE adduka ekikwekweto kya poliisi ne LDU mu Ndeeba agudde mu nnyanja ya Kabaka mu Ndeeba n'afiiramu. Brian...

Ggoolokipa wa KCCA Charles Lukwago ng’abuuse okulemesa aba Villa okumuteeba.

KCCA ne Villa zeenyooma

Egyazannyiddwa mu liigi URA 3-1 BUL Kitara 0-3 Vipers Leero (Ssande) KCCA - Villa, Lugogo 10:00 KCCA ne...