TOP
  • Home
  • Amawulire
  • 'Abakulu abali mu buyinza musengejje ebigambo bye mwogera'

'Abakulu abali mu buyinza musengejje ebigambo bye mwogera'

Added 10th January 2021

Abakulembeze mu kkanisa y'Abadiventi mu kitundu ekitwala disitulikiti okuli: Mukono, Buikwe, Kayunga ne Buvuma basabye abakulira ebyokwerinda n'abakulu mu gavumenti okwegendereza ebigambo bye boogera n'engeri gye bang'angamu abavuganya gavumenti obutalabika ng'ate abakuma omuliro mu bantu.

Pr. Ssembuusi ng’asomesa abakadde okuva mu kitundu ky’atwala.

Pr. Ssembuusi ng’asomesa abakadde okuva mu kitundu ky’atwala.

Abakulembeze mu kkanisa y'Abadiventi mu kitundu ekitwala disitulikiti okuli: Mukono, Buikwe, Kayunga ne Buvuma basabye abakulira ebyokwerinda n'abakulu mu gavumenti okwegendereza ebigambo bye boogera n'engeri gye bang'angamu abavuganya gavumenti obutalabika ng'ate abakuma omuliro mu bantu.

Abamu ku beetabye mu musomo.

Bano baabadde baanukula ebigambo by'omuduumizi wa poliisi mu ggwanga, Martin Okoth Ochola bwe yategeezezza nga poliisi bw'etayinza kuvaayo kw'etondera b'amawulire ku bikolwa eby'ekko n'ettima ebizze bibatuusibwako mu kiseera kino eky'okunoonya obululu.

Apollo Mubiru.

Bano baakuliddwamu omusumba atwala ekitundu kya East Buganda, Joseph Ssembuusi, akulira obusumba bw'e Mukono Noah Ssekitto n'akulira abakadde b'ekkanisa Apollo Mubiru. Abakulembeze bano baabadde mu musomo gw'abakadde b'ekkanisa mu kibuga ky'e Mukono ku Lwomukaaga.

Mubiru yagambye nti kikyamu omukulembeze ali ku ddaala lya IGP okuvaayo n'ayogera ebigambo ebyayogeddwa Ochola eri ab'amawulire ng'ate ebitongole ebibiri eky'amawulire ne poliisi birina kukolera wamu.

Okuva okunoonya obululu lwe kwatandika, emyezi ng'ebiri egiyise, ab'amawulire abawerako bazze batulugunyizibwa poliisi mu ngeri ez'enjawulo omuli abakubiddwa emiggo, ttiya ggaasi n'amasasi.

 Ashraf Kasirye eyali akwata amawulire g'ekibiina kya NUP, ekya Robert Kyagulanyi Ssentamu bwe yali e Masaka n'akubwa essasi ye yasinga okukosebwa nga n'okutuusa kati akyali mu ddwaaliro e Lubaga.

More From The Author

Emboozi z’omuwandiisi endala

Emboozi endala

Omuzannyi wa Villa (ku kkono) n'owa Busoga United nga bagoba omupiira mu gwa liigi ogusembyeyo. Baagwa maliri, 1-1.

VILLA ETUNUZZA OMUDUMU MU UPDF

Leero (Lwamukaaga) mu Liigi (10:00); SC Villa - UPDF, Bombo Onduparaka - Vipers, Arua KCCA - Kitara, Lugogo Bright...

Cheptegei ng'ajaganya.

Likodi za Cheptegei zimweyi...

ENJOGERA egamba nti ‘Katonda nga yaakuwadde, n'ennume ezaala' etuukira bulungi ku muddusi Joshua Cheptegei. Ye...

Ivana Ashaba (mu maaso), owa Hippos ng'alemesa owa Burkina Faso okutuuka ku mupiira.

Hippos eyiseemu kavvu

ENKAMBI ya ttiimu y’eggwanga ey’abatasussa myaka 20 (Hippos), yeeyongeddemu ebbugumu, FUFA bwe baawadde doola 80,000...

Ttakisi mu paaka enkadde.

'Bbeeyi y'entambula esusse'

ABABAKA ba palamenti bennyamivu olw’ebisale by’entambula ebyeyongera okulinnya buli lukya ekinyigiriza abasaabaze....

Fr. Kabagira ne Fr. Mubiru nga baganzika ekimuli ku ntaana ya Ssaabasumba Joseph Kiwanuka mu Eklezia e Lubaga.

Bajjukidde Ssaabasumba Kiwa...

ABAKKIRIZA bajjukidde Ssaabasumba Joseph Nakabaale Kiwanuka eyafa nga February 22, 1966 n’aziikibwa mu Eklezia...