TOP
  • Home
  • Amawulire
  • Nakibinge atuuzizza aba famire ya Muzaata abaagenze mu kkooti -

Nakibinge atuuzizza aba famire ya Muzaata abaagenze mu kkooti -

Added 13th January 2021

OMULANGIRA Kassim Nakibinge ayingidde mu nsonga za bannamwandu ba Sheikh Nuhu Muzaata Batte abaagenze mu kkooti okugabana ebyobugagga by’omugenzi. Bino Nakibinge yabitegeezezza ggulo abaabadde mu Dduwa ya Muzaata e Kigoogwa gye yaziikibwa mu ggombolola y’e Gombe mu disitulikiti ye Wakiso.

Omulangira Nakibinge (ku kkono) ne Supreme Mufuti mu Dduwa.

Omulangira Nakibinge (ku kkono) ne Supreme Mufuti mu Dduwa.

OMULANGIRA Kassim Nakibinge ayingidde mu nsonga za bannamwandu ba Sheikh Nuhu Muzaata Batte abaagenze mu kkooti okugabana ebyobugagga by'omugenzi. Bino Nakibinge yabitegeezezza ggulo abaabadde mu Dduwa ya Muzaata e Kigoogwa gye yaziikibwa mu ggombolola y'e Gombe mu disitulikiti ye Wakiso.

Kuluthum (ku kkono) ne Bugirita ng'asonze mukwano gwe mu Dduwa.

Edduwa yeetabiddwaako Supreme Mufti Haji Siliman Kasule Ndirangwa, bannabyabufuzi okwabadde Loodi Mmeeya Erias Lukwago n'abantu abalala. Bannamwandu okuli Amina Bugirita Muzaata gwe yasooka okuwasa wabula ne baawukana ne Kuluthum Muzaata baabaddeyo. Kuno kwossa abamu ku baana okuli Hadijah Nabakembo, Annuali Muzaata Ssessanga ne Shafi c Muzaata.

Okusaala kwakulembeddwa Supreme Mufti Ndirangwa eyazzeemu okwoza ku mmunye mu kusabira Muzaata nga bwe yakola e Kibuli mu kumusaalira. Mu bubaka bwe, yazzeemu okulaga engeri Muzaata gye yalwanirira ennyo Obusiraamu era ne yeebaza Omulangira Nakibinge olw'okubagumya.

Annuali Muzaata (ku ddyo) ne bataata be. Ku kkono ye Hajji Badru Kakembo owooluganda lwa Muzaata ng'ayogera eggulo.

KKOOTI TEGENDA KUGONJOOLA NSONGA ZA MUZAATA - NAKIBINGE:                                              Omulangira Nakibinge yasoose kwebaza abantu bonna abazze n'abaateeseteese Dduwa eno kyokka ne yennyamira olwa bannamwandu abakaayanira ebyobugagga bya Muzaata ne batuuka n'okugenda mu kkooti. Yategeezezza nti kkooti tegenda kusala musango guno, wabula okutundanga ettaka lya Muzaata nga buli balooya bwe baba baagala ssente.

Yategeezezza abaagenze mu kkooti nti Muzaata yalaama ebintu bye bigabibwe mu nkola ya Sharia era kino kye kyagobererwa. Yagambye nti agenda kubanoonya basooke batuule mu nsonga zino kwe kubasaba babeere bakkakkamu.

‘GAVUMENTI MULEKE KUTEEKA BANTU KU BUNKENKE'                                                                                  Omulangira Nakibinge yasabye gavumenti ereme kuteeka bantu ku bunkenke olw'ebyokulonda eby'olunaku olumu. Yasabye akakiiko k'ebyokulonda okubeera akeerufu, akalulu kakubwe mu mirembe.

More From The Author

Emboozi z’omuwandiisi endala

Emboozi endala

Ssekabembe ng’alaga ezimu ku keeki eziwedde okuyooyootebwa.

Ssekabembe eyatandika ne 25...

SINKANA Brenda Sekabembe alina emyaka 42 nga ye mutandisi wa kkampuni ekola keeki eya Bake for Me esangibwa mu...

Poliisi ng’ewalabanya omu ku baaziikudde omulambo gwa Ssali.

▶️ Poliisi egugumbudde abaa...

AMASASI ganyoose mu kuziika nga poliisi egumbulula ebbiina ly'abavubuka abeeridde omuguju ne baziikula omulambo...

Abamu ku basuubuzi abaalumbye ofi isi ya Kushaba.

▶️ Omukazi eyawambye akatal...

MINISITA wa Kampala alagidde omukyala Suzan Kushaba okwamuka mu bwangu ofi isi za KCCA ze yawambye ne yeerangirira...

Abakungu okuva mu kitongole ky’ebyobulamu oluvannyuma lw’eddagala erigema COVID 19 okutuuka mu ggwanga. Baabadde ku kisaawe e Ntebe.

▶️ Okugema Corona kutandika...

BANNAYUGANDA babagumizza ku ddagala erigema corona eryatuuse mu ggwanga nga bwe litalina buzibu eri obulamu bw'abantu....

Omugenzi Kalulu n’omu ku bakazi be.

Owa capati asse gw'asanze a...

OMUSAJJA ow'abakazi ababiri bamufumise ekiso n'afa oluvannyuma lw'okukwatibwa lubona ne muk'omusajja gw'agambibwa...