Paasipoti enkadde bw’efaanana.
Bya SAMUEL BALAGADDE
PAASIPOOTI ez'obutabo enkola enkadde zaayimirizibwa okugabibwa mu 2018 wabula ng'abazirina zaasigala zikyakolera wamu n'ezo ezigabibwa mu nkola empya eza e-passport.
Wabula paasipoti enkola enkadde zaali zassibwako ekkomo lya Jan 31, 2021 wabula ne zongozebwayo okusigala nga zikola okutuuka mu April omwaka ogwa 2022. Jacob Siminyu omwogezi wa minisitule y'ensonga z'omunda mu ggwanga yakakasizza nti nsalessale ku paasipoti enkadde yayongezeddwaayo okutuuka mu mwezi gwa April omwaka ogujja ogwa 2022.
Yagambye nti kino kyavudde ku kutaataganyizibwa okuliwo okwaleeteddwa ekirwadde kwa corona.
William Busuulwa ssentebe w'ekibiina ekigatta abasaabaza ebyamaguzi mu ggwanga ekya Uganda National Transporters Alliance (UNTA) yagambye nti kino kigenda kwongera okuwa buli muntua omukisa okukola ku paasipoti empya mu budde awatali kupapa kubanga ebbanga eribaweereddwa limala.
