TOP

Biden aleese embwa ze mu White House

Added 26th January 2021

JOE Biden 78, akomezzaawo akalombolombo ka bapulezidenti ba Amerika ne ffamire zaabwe okubeera n'embwa oba ebisolo ebirala mu maka ga White House.

Biden n'embwa ye.

Biden n'embwa ye.

WASHINGTON, Amerika                                                                                                                                                  JOE Biden 78, akomezzaawo akalombolombo ka bapulezidenti ba Amerika ne ffamire zaabwe okubeera n'embwa oba ebisolo ebirala mu maka ga White House.

Eby'embwa bizze bibaawo okumala emyaka okuggyako Donald Trump ataaleeta zize wabula ng'abamumanyi bagamba nti mukambwe nnyo okubeera n'embwa ezeetaaga abantu ab'ekisa. Okutuusa lw'avudde mu ntebe, Abamerika babadde baakyerabira.

Beekanze Biden ne mukyala we, Dr. Jill bayingizzaawo embwa bbiri ez'ekika kya German Shepherd. Embwa zino eziyitibwa Champ ne Major zaatuusiddwa okuva mu maka gaabwe mu ssaza ly'e Delaware mu bitiibwa nga zaapangisiriziddwa ennyonyi ey'enjawulo. Trump agenda okutuula mu ntebe mu 2017, gyali gisusse emyaka 100 nga tewali Pulezidenti alese mbwa ye mu maka ge amakadde.

Kyali kyasemba okubaawo ku James K Polk eyaliko wakati wa 1845 ne 1849 ne Andrew Johnson eyaliko wakati wa 1865 ne 1869. Andrew wabula yeewuunyisa abantu nti wadde teyalina mbwa, yalina eggana ly'emmese enjeru lye yalabiriranga.

Emmese ezo bannassaayansi bazisomerako omuli abasawo abayiga okulongoosa, okuzikolerako okunoonyereza ku bisolo n'eddagala saako okuziguza abalunda ebisolo ng'emisota egizirya ng'emmere.

Ebisolo ebirala ebizze birundibwa mu White House mulimu embalaasi, ente, embuzi, enkoko, kkapa n'endiga. Embwa ze zisinga okwettanirwa Abazungu olw'okubasanyusa n'okubakolera emirimu omuli okutegeeza ab'omu maka abalala singa waliwo omu aba afunye obuzibu.

More From The Author

Emboozi z’omuwandiisi endala

Emboozi endala

'cokoleti'

Omufumbi wa Kkwiini ayoged...

KKWIINI Elizabeth II ayagala kkeeki erimu ekirungo kya ‘chocolate' wabula okusinziira ku biragiro by'abasawo waakiri...

Fr. Anthony Musaala (ku ddyo) ng’abuuza ku Kiwanda ne Ying. Joseph Ssewava oluvannyuma lwa Mmisa mu Lutikko e Lubaga.

▶️ Mutusonyiwe bye twayog...

AMYUKA ssentebe wa NRM mu Buganda, Godfrey Kiwanda Ssuubi yeetondedde Eklezia olw'okusowagana okwaliwo mu kiseera...

Abamu ku batuuze nga bali mu maka g’omubaka Betty Nambooze (mu katono).

Ab'e Kigombya balabudde Gav...

ABATUUZE ku kyalo Kigombya mu disitulikiti y'e Mukono, bawadde gavumenti nsalessale ya myezi ena okutuuka mu mwezi...

Emmotoka ya Kyagulanyi (mu katono) empya.

Enkalu zeeyongedde ku mmoto...

EBY'EMMOTOKA ya Bobi Wine bijjulidde kkooti erina okuyisa ekiragiro ekiwaliriza nnannyini yo okugizzaayo mu kitongole...

Muzaata ne Bakazi be Kluthum ne Bugirita

Ekiraamo kya Muzaata kirees...

SHEIKH Umar Swidiq Ndawula asomye ekigambibwa okuba ekiraamo kya Sheikh Nuhu Muzaata ne kyongera okusajjula embeera...