TOP
  • Home
  • Amawulire
  • Abataamatidde na byavudde mu kalulu beekalakaasizza

Abataamatidde na byavudde mu kalulu beekalakaasizza

Added 27th January 2021

WALIWO ekibinja ky'abantu abeekalakaasirizza ku ofiisi z'akakiiko k'eby'okulonda e Kayunga nga bagamba nti abantu baabwe baababba obululu.

Abamu ku bantu abeekalakaasizza.

Abamu ku bantu abeekalakaasizza.

Bya SAUL WOKULIRA      

WALIWO ekibinja ky'abantu abeekalakaasirizza ku ofiisi z'akakiiko k'eby'okulonda e Kayunga nga bagamba nti abantu baabwe baababba obululu.

Abdu Birungo ng'ali n'akulira ebyokulonda e Kayunga.

          Bano baabadde baagala okusisinkana akulira ebyokulonda e Kayunga Rashid Musinguzi wabula tebakkiriziddwa kuyingira ggeeti era ebyokwerinda bibadde binywezeddwa.

          Ku baserikale ba poliisi eya bulijjo kwongeddwaako aba poliisi erwanyisa obutujju okusobola okunyweza obukuumi.

          Bano abakulembeddwa Abdu Birungo owa NRM eyavuganya ku kya kansala ow'eggombolola y'e Kayunga n'awangulwa Yasin Kamulegeya owa NUP bagamba nti bbo nga aba NRM banyigiriziddwa nnyo mu kulonda kuno era baagala obumu ku bululu buddemu okubalibwa kubanga ebimu ku bifo gye baalondera tebyabalibwa n'ebimu byalangirirwa kifuula nnenge.

          Wabula Musinguzi yagambye nti bannabyabufuzi abaawangulwa kirabika be batandise okukuma mu bantu omuliro. Yagambye nti amaze mu by'okulonda emyaka 21 wabula ekiri e Kayunga abadde tannakiraba kubanga kirabika abantu baamanyiira okubakyusiza obululu era y'ensonga lwaki ye bwe yakigaana newankubadde baali bamusuubiza omudidi gw'ensimbi kwe kulufuula olutalo.

          Agamba nti Bannabyabufuzi be Kayunga enfunda nyingi bagenze ne bamuloopa mu bakama be wabula nabo ekituufu bakimanyi nti abo benyini abaloopa ate bebaagala okubba obululu.

          Musinguzi awadde amagezi abo bonna abataamatidde nebyalangiriddwa bagende mu kooti beekubire enduulu naye ye byeyalangirira byebyo ebyavudde mu kulonda.

 

More From The Author

Emboozi z’omuwandiisi endala

Emboozi endala

Omuzannyi wa Villa (ku kkono) n'owa Busoga United nga bagoba omupiira mu gwa liigi ogusembyeyo. Baagwa maliri, 1-1.

VILLA ETUNUZZA OMUDUMU MU UPDF

Leero (Lwamukaaga) mu Liigi (10:00); SC Villa - UPDF, Bombo Onduparaka - Vipers, Arua KCCA - Kitara, Lugogo Bright...

Cheptegei ng'ajaganya.

Likodi za Cheptegei zimweyi...

ENJOGERA egamba nti ‘Katonda nga yaakuwadde, n'ennume ezaala' etuukira bulungi ku muddusi Joshua Cheptegei. Ye...

Ivana Ashaba (mu maaso), owa Hippos ng'alemesa owa Burkina Faso okutuuka ku mupiira.

Hippos eyiseemu kavvu

ENKAMBI ya ttiimu y’eggwanga ey’abatasussa myaka 20 (Hippos), yeeyongeddemu ebbugumu, FUFA bwe baawadde doola 80,000...

Ttakisi mu paaka enkadde.

'Bbeeyi y'entambula esusse'

ABABAKA ba palamenti bennyamivu olw’ebisale by’entambula ebyeyongera okulinnya buli lukya ekinyigiriza abasaabaze....

Fr. Kabagira ne Fr. Mubiru nga baganzika ekimuli ku ntaana ya Ssaabasumba Joseph Kiwanuka mu Eklezia e Lubaga.

Bajjukidde Ssaabasumba Kiwa...

ABAKKIRIZA bajjukidde Ssaabasumba Joseph Nakabaale Kiwanuka eyafa nga February 22, 1966 n’aziikibwa mu Eklezia...