TOP

Babiri balumiziddwa mu kabenje e Kisowera

Added 27th January 2021

Abantu babiri ababadde batambulira ku bodaboda emmotoka ewabye n’ebatomera okukakkana ng’omu emumenye okugulu n’omulala n’afuna ebisago ku mutwe.





Sam Otuba akulira abakuumi ku ssomero lya St. Cyprian e Kyabakadde mu ggombolola y'e Kyampisi mu disitulikiti y'e Mukono emmotoka ekika kya Harrier nnamba UAP 387N gw'etomeredde e Kisowera mu maaso g'essomero lya SONAMS ery'ekkanisa erisomesa abasawo.

Akabenje kano kaaguddewo ku Lwokubiri akawungeezi ssaawa ng'emu n'ekitundu (1:30) Otuba eyabadde avuga pikipiki Bajaj nnamba UFD 416R ng'aweese ensawo y'amanda n'omuwala eyategeerekeseeko erya Susan ng'ono yasangiddwa mu ddwaliro e Naggalama gye baddusiddwa ng'ambeera gy'alimu si nnungi.

Stephen Erotu akola ne Otuba yategeezezza nti ono yamenyese okugulu okwa ddyo n'alumizibwa n'okufuna ebiwundu ku mutwe.

Faisal Jagenda omu badduukirize yagambye nti omugoba wa mmotoka eyakoze akabenje yabadde ayisa emmotoka nga bbiri olwo eyiye kwe kwabika omupiira n'ewaba n'egenda etomera abaabadde ku bodaboda.

Jagenda yagambye nti oluvannyuma lw'okukola akabenje, ddeerav w'emmotoka yalinnye bodaboda n'adduka.

Emmotoka yayoyoonose mu maaso sso nga yo pikipiki nayo yagigoyezza nnyo.

Ab'amagye okuva mu nkambi e Mpoma baayitiddwa okulaba nga bakuuma emmotoka n'ebintu ebyabaddemu obutabbibwa ng'era bano oluvannyuma baakolaganye ne poliisi y'e Mukono eyazze mu kiro n'esikaawo emmotoka n'egitwala ku poliisi e Mukono.

More From The Author

Emboozi z’omuwandiisi endala

Emboozi endala

Maj. Katamba.

Abaazirwanako 200 bagenze S...

EKIBINJA ky’amagye ekisooka e Kakiri kisunsudde abaazi rwanako 200 nga baakutwalibwa e Somalia okwongera okukuuma...

Abamu ku batuuze abaabadde mu kkooti.

Kkooti etandise okuwulira o...

OMULAMUZI Yasin Nyanzi atandise ku nteekateeka y’okuwulira omusango gw’abatuuze b’e Nakawa abaasengulwa ku luguudo...

Bamasheikh bongedde bwiino ...

BAMASEEKA bongedde okuleeta bwiino akakasa ekiraamo Sheikh Nuhu Muzaata kye yakola ne basomooza abakiwakanya okuleeta...

Mulangira ng’aliko by’annyonnyola abayizi.

'Temusuulirira baliko bulemu'

ABAZADDE abalina abaana abaliko obulemu abagenda okutuula ebibuuzo bya P7, S4 ne S6 basabiddwa obutabasuulirira...

Baddereeva ba bbaasi zino baakawatiddwa, zino nga ziri ku poliisi e Lugazi.

Baddereeva ba bbaasi bali ...

POLIISI y'e Lugazi ekoze ekikwekweeto ku bavuzi ba mmotoka beesanze bazivuga okusukka ssaawa za kafiyu.. Ku...