TOP
  • Home
  • Amawulire
  • Ebbeeyi y'emmwaanyi, amalwaliro n'amakubo amabi bye ntandikirako - Omubaka Kayemba

Ebbeeyi y'emmwaanyi, amalwaliro n'amakubo amabi bye ntandikirako - Omubaka Kayemba

Added 27th January 2021

Omubaka omulonde owa Bukomansimbi South, Geoffrey Kayemba Solo agambye nti baakugenda mu maaso n’okugoberera ebiragiro bya Pulezidenti waabwe Robert Kyagulanyi Ssentamu amanyiddwa nga Bobi Wine eby’okulemera ku nsonga gye baatandika, okuweereza abantu abaabalonze n’okwewala okugulibwa.

Omubaka Kayemba.

Omubaka Kayemba.

Bya Emmanuel Ssebanenya

Omubaka omulonde owa Bukomansimbi South, Geoffrey Kayemba Solo agambye nti baakugenda mu maaso n'okugoberera ebiragiro bya Pulezidenti waabwe Robert Kyagulanyi Ssentamu amanyiddwa nga Bobi Wine eby'okulemera ku nsonga gye baatandika, okuweereza abantu abaabalonze n'okwewala okugulibwa.

Bobi Wine yabalabudde nti bwe bataakolere bantu b'abalonze, balina obuyinza obutabazzaawo mu palamenti nga bwe baakoze ku baminisita n'ababaka ba NRM ababadde beefaako bokka.

Kiddiridde Robert Kyagulanyi okuyita ababaka bonna abaayitamu ku kaadi ya NUP okwogerako gye bali n'okubaako ensonga zaabafalaasira. Kayemba yagambye nti Kyagulanyi yabasabye buli omu okweteeka mu kiti kye atambuze enjiri y'okununula eggwanga kubanga omulamwa gwe baliko gwe gumu.

Kayemba era yategeezezza nti ebbanga ly'amaze ng'anoonya akalulu, akizudde ng'abantu b'e Bukomansimbi beetaaga okuyambibwa ku bbeeyi y'emmwaanyi eri wansi kubanga kye kirime kye basinga okufunamu ssente, ebitundu ebisinga tebirina masannyalaze, amakubo mabi, amalwaliro matono ate n'agaliyo tegaliimu ddagala n'ategeeza nti ke bamuwadde obuvunaanyizibwa by'agenda okusookerako.

Yayongeddeko nti n'engeri gy'atera okutambula mu nsi z'ebweru agenda kukozesa omukisa guno okusakira abantu be nga tatunuulidde Gavumenti yokka.

Yasuubizza n'okuyamba abavubuka mu kitundu kino okukulaakulanya ebitone byabwe naddala abasambi b'omupiira n'abayimbi kubanga abirinamu obukugu. Kayemba maneja w'abayimbi: Rema Namakula ne Chris Evans ng'ate kittunzi w'abasambi b'omupiira.

More From The Author

Emboozi z’omuwandiisi endala

Emboozi endala

Ebimuli bya Hibiscus.

Abasuubula Hibiscus bayingi...

ENNAKU zino abantu bafaayo nnyo ku bulamu bwabwe nga kino kiyinza okuba nga kivudde ku ngeri ensi gy'ekulaakulanye...

▶️ Omugagga Lwasa: Mukazi w...

OMUGAGGA Emmanuel Lwasa ow'e Masaka w'osomera bino nga mugole. Ku Lwomukaaga yabitaddemu engatto ng'awerekerwako...

Abatuuze nga batunuulira awaabadde ettemu.

Abafumbo basangiddwa batemu...

POLIISI y'e Nakaseke enoonyereza engeri abaagalana ku kyalo Magoma mu ggombolola y'e Kikamulo mu disitulikiti y'e...

Omugenzi Bob Kasango

Kiki ekyasse munnamateeka w...

ENFA ya munnamateeka w'omu Kampala, Bob Kasango, erese ebibuuzo mu ba ffamire n'ababadde bamuvunaana okulya ensimbi...

Minisita Kiyimba, Noah Kiyimba ng’akwasa omuyizi Andrew Maseruka eyasinze banne ku ttendekero lya Universal Institute Of Graphics & Technology Ku Sharing Hall e Nsambya.

Minisita Kiyimba akubirizza...

ABAYIZI 110 batikkiddwa mu masomo ga Dipuloma ne satifikeeti mu ttendekero lya Universal Institute of Graphics...