TOP
  • Home
  • Amawulire
  • Ssaabasumba alagidde Bafaaza bonna bakeberwe Corona

Ssaabasumba alagidde Bafaaza bonna bakeberwe Corona

Added 27th January 2021

SSAABASUMBA w'essaza ekkulu erya Kampala, Dr. Cyprian Kizito Lwanga alagidde Bafaaza bonna mu ssaza ly'e Kampala okukeberebwa Corona bamanye obulamu bwabwe we buyimiridde.

Ssaabasumba Lwanga ng'ateeka ekimuli awaabadde ekifaananyi ky'omugenzi Fr. Ssonko. Omulambo tegwaleeteddwa olw'obulwadde bwa Corona.

Ssaabasumba Lwanga ng'ateeka ekimuli awaabadde ekifaananyi ky'omugenzi Fr. Ssonko. Omulambo tegwaleeteddwa olw'obulwadde bwa Corona.

Bya LAWRENCE KIZITO                                                           

SSAABASUMBA w'essaza ekkulu erya Kampala, Dr. Cyprian Kizito Lwanga alagidde Bafaaza bonna mu ssaza ly'e Kampala okukeberebwa Corona bamanye obulamu bwabwe we buyimiridde.

Fr. Ssonko.

Ekiragiro kino akiweeredde mu mmisa ey'okusabira omwoyo gw'omugenzi Fr. Edward Ssonko eyafudde ekirwadde kya Corona ku Lwomukaaga lwa wiiki ewedde, mu ddwaaliro e Kisubi.

Lwanga mu mmisa gyabaddemu e Lubaga alaze obweraliikirivu nti ssinga ekirwadde kino tebakirwanyisa mu Bafaaza kiyinza okuleka Eklezia awazibu. Okukeberebwa kwa kutandika mu wiiki esooka mu February nga buli musosodooti ali mu Vicariate ennya ezikola essaza ly'e Kampala waakukeberwa.

Munsennyooli Charles Kasibante ng'anyookeza akabaani mu ntaana omwaziikiddwa Faaza Edward Ssonko, mu limbo ya Seminariyo y'e Kisubi.

Asabye abantu ne Bafaaza okugoberera ebiragiro by'abasawo ku bulwadde buno n'abalabula nti bukambwe nnyo nga busobola okuleka Eklezia n'eggwanga nga biri mu katyabaga olw'okuviibwako abantu ab'omugaso.

Ye akulira Seminaliyo y'e Kisubi Fr. Francis Ssengendo agambye nti omugenzi yagayaalamu okwekebeza Corona ate nga yali afunye obubonero ky'agambye nti kye kyamuviiriddeko okufa amangu kubanga baagenze okumukebera ng'amawugwe gamaze okunafuwa ennyo.

Omugenzi Fr. Ssonko yazaalibwa mu kigo ky'e Goli mu 1959 nga yazaalibwa abagenzi Stephen Byekwaso ne Julia Namayanja. Yayawulibwa okufuuka Faaza mu 1986. Abadde yakuguka mu lulimi olulattini nga luno lwe lulimi olutongole olw'Eklezia era nga lwabadde asomesa e Kisubi.

 

More From The Author

Emboozi z’omuwandiisi endala

Emboozi endala

Ssekabembe ng’alaga ezimu ku keeki eziwedde okuyooyootebwa.

Ssekabembe eyatandika ne 25...

SINKANA Brenda Sekabembe alina emyaka 42 nga ye mutandisi wa kkampuni ekola keeki eya Bake for Me esangibwa mu...

Poliisi ng’ewalabanya omu ku baaziikudde omulambo gwa Ssali.

▶️ Poliisi egugumbudde abaa...

AMASASI ganyoose mu kuziika nga poliisi egumbulula ebbiina ly'abavubuka abeeridde omuguju ne baziikula omulambo...

Abamu ku basuubuzi abaalumbye ofi isi ya Kushaba.

▶️ Omukazi eyawambye akatal...

MINISITA wa Kampala alagidde omukyala Suzan Kushaba okwamuka mu bwangu ofi isi za KCCA ze yawambye ne yeerangirira...

Abakungu okuva mu kitongole ky’ebyobulamu oluvannyuma lw’eddagala erigema COVID 19 okutuuka mu ggwanga. Baabadde ku kisaawe e Ntebe.

▶️ Okugema Corona kutandika...

BANNAYUGANDA babagumizza ku ddagala erigema corona eryatuuse mu ggwanga nga bwe litalina buzibu eri obulamu bw'abantu....

Omugenzi Kalulu n’omu ku bakazi be.

Owa capati asse gw'asanze a...

OMUSAJJA ow'abakazi ababiri bamufumise ekiso n'afa oluvannyuma lw'okukwatibwa lubona ne muk'omusajja gw'agambibwa...