TOP
  • Home
  • Amawulire
  • Okuddamu okuganza owabooda waakiri nneeyombekera

Okuddamu okuganza owabooda waakiri nneeyombekera

Added 28th January 2021

NNEEWUUNYA oba abasajja ba bodaboda Katonda yabakola mu katiba ke kamu! Alindaba nzizeemu okumuganza mpozzi nga ngudde ddalu.

Nze Cathy Kansime, mbeera Makerere mu Kikoni Banda zzooni mu Munisipaali y'e Kawempe.

Twasisinkana ne baze mu 2018 nga mpeereza mmere e Bwaise ate nga ye avuga bodaboda era yali omu ku bakasitoma bange owoolulango.

Nava mu kyalo ne nzijja e Kampala okukola ng'embeera ensusseeko. Bwe najja, nafuna omulimu gw'okutambuza emmere era nakolako omwaka gumu, omusajja ono n'atandika okunkwana.

Engeri gye nnalina ennaku yange, eby'omukwano saabiriiko nnyo kubanga abasajja baali bantawaanyizza ekimala.

Baze nga nkyakalubye yannemerako okutuusa lwe natandika okumuwuliriza okukkakkana ng'ampangudde.

Yampaana n'okunsuubiza ensi n'Eggulu era natuuka ne nzikiriza ne tutandika okubeera mu mapenzi agatagambika nga n'abatulaba batwegomba kale wamma eyali akozze ne nfuna n'omubiri.

Waayita mbale ne ntandika okutokoseza omwami wange era ekyava mu bino lwali lubuto. Yasigala andabirira okutuusa lwe nazaala era ng'omukwano gwaffe gukyali mugumu.

Omwana waffe bwe yaweza emyezi etaano, baze yatandika okukyusa enneeyisa n'atandika okuyomba nga kw'ogasse okunkuba wabula ne nguma.

Kino kyandeetera okutandika okunoonyereza ekyali kituusa ku mwami wange okukyuka bwatyo era we nazuulira nga yali afunyeeyo omuto asinga ku nze. Kino kyayongera okuntiisa kubanga ne gwe nafuna mu kusooka naye yali wa bodaboda era naye yampisa bubi nnyo.

Okumanya yakyuka, nga takyayagala kumanya binkwatako n'omwana waffe. Nejjusa nti kale ssinga nasigala ku mulimu gwange osanga nandibadde nsobola okulabirira omwana wange.

Nsaba abazirakisa okunziruukirira kubanga embeera erabika egaanye. Ndi ku ssimu nnamba; 0702195491.

More From The Author

Emboozi z’omuwandiisi endala

Emboozi endala

Omuzannyi wa Villa (ku kkono) n'owa Busoga United nga bagoba omupiira mu gwa liigi ogusembyeyo. Baagwa maliri, 1-1.

VILLA ETUNUZZA OMUDUMU MU UPDF

Leero (Lwamukaaga) mu Liigi (10:00); SC Villa - UPDF, Bombo Onduparaka - Vipers, Arua KCCA - Kitara, Lugogo Bright...

Cheptegei ng'ajaganya.

Likodi za Cheptegei zimweyi...

ENJOGERA egamba nti ‘Katonda nga yaakuwadde, n'ennume ezaala' etuukira bulungi ku muddusi Joshua Cheptegei. Ye...

Ivana Ashaba (mu maaso), owa Hippos ng'alemesa owa Burkina Faso okutuuka ku mupiira.

Hippos eyiseemu kavvu

ENKAMBI ya ttiimu y’eggwanga ey’abatasussa myaka 20 (Hippos), yeeyongeddemu ebbugumu, FUFA bwe baawadde doola 80,000...

Ttakisi mu paaka enkadde.

'Bbeeyi y'entambula esusse'

ABABAKA ba palamenti bennyamivu olw’ebisale by’entambula ebyeyongera okulinnya buli lukya ekinyigiriza abasaabaze....

Fr. Kabagira ne Fr. Mubiru nga baganzika ekimuli ku ntaana ya Ssaabasumba Joseph Kiwanuka mu Eklezia e Lubaga.

Bajjukidde Ssaabasumba Kiwa...

ABAKKIRIZA bajjukidde Ssaabasumba Joseph Nakabaale Kiwanuka eyafa nga February 22, 1966 n’aziikibwa mu Eklezia...