TOP
  • Home
  • Amawulire
  • Omubaka asekeredde abagamba nti yeddizza ebintu byazze agaba

Omubaka asekeredde abagamba nti yeddizza ebintu byazze agaba

Added 23rd February 2021

OMUBAKA omukazi owa Masaka era omuwanika w’ekibiina kya DP, Mary Babirye Kabanda asekeredde abagezaako okwonoona erinnya lye nga bagamba nti yeddizza ebintu byazze agaba naddala emifaliso mu masomero n’agamba nti ategeka kugenda mu maaso n’emirimu gy’abadde akola newankubadde yawangulwa nga tayinza kujjayo ebyo bazze agabira bantu.

Omubaka Kabanda ng'ayogera mu lumbe.

Omubaka Kabanda ng'ayogera mu lumbe.

Bya TONNY KALYANGO

OMUBAKA omukazi owa Masaka era omuwanika w'ekibiina kya DP, Mary Babirye Kabanda asekeredde abagezaako okwonoona erinnya lye nga bagamba nti yeddizza ebintu byazze agaba naddala emifaliso mu masomero n'agamba nti ategeka kugenda mu maaso n'emirimu gy'abadde akola newankubadde yawangulwa nga tayinza kujjayo ebyo bazze agabira bantu.

Yasinzidde ku kyalo Lwankoni B mu ggombolola y'e Lwankoni mu disitulikiti y'e Kyotera ku mukolo gw'okwabya olumbe lwa Joseph Ssentongo eyali bba w'omugenzi Robinah Ssentongo eyali Omubaka wa Kyotera.

Yategeezezza nti enteekateeka zonna ze yali akola mu Masaka ne ggwanga lyonna naddala mu kisaawe ky'ebyenjigiriza n'okuyambako abaana abatalina mwasirizi agenda kuzittukiza kubanga ebyo yali tabikola lw'akufuna kalulu wabula kutumbula mbeera z'abantu.

Amyuka Pulezidenti wa NUP mu Buganda era Omubaka wa Nyendo-Mukungwe divizoni mu kibuga Masaka, Mathias Mpuuga yalagidde abakulembeze b'e Kyotera abalonde okutwala omusango mu kkooti nga babanja abantu 20 abaabuzibwawo kati emyezi egigenda mu ebiri n'abasuubiza nti bagenda kubayambako ne bannamateeka ab'ekibiina kya NUP.

Kino kyaddiridde Omubaka wa Kyotera John Paul Mpalanyi Lukwago okumusaba wamu n'ekibiina kya NUP okubakwatizaako okulaba nga banunula abantu bano kubanga batuuse buli wamu naye balemereddwa okuzuula abantu baabwe.

 

More From The Author

Emboozi z’omuwandiisi endala

Emboozi endala

Fr. Kabanda.

Ekkubo ly'omusaalaba libeer...

NG’OGGYEEKO Olwokutaano Olutukuvu olutambuzibwako ekkubo ly’omusaalaba, mu kisiibo tulagirwa okutambuza ekkubo...

Maj. Katamba.

Abaazirwanako 200 bagenze S...

EKIBINJA ky’amagye ekisooka e Kakiri kisunsudde abaazi rwanako 200 nga baakutwalibwa e Somalia okwongera okukuuma...

Abamu ku batuuze abaabadde mu kkooti.

Kkooti etandise okuwulira o...

OMULAMUZI Yasin Nyanzi atandise ku nteekateeka y’okuwulira omusango gw’abatuuze b’e Nakawa abaasengulwa ku luguudo...

Bamasheikh bongedde bwiino ...

BAMASEEKA bongedde okuleeta bwiino akakasa ekiraamo Sheikh Nuhu Muzaata kye yakola ne basomooza abakiwakanya okuleeta...

Mulangira ng’aliko by’annyonnyola abayizi.

'Temusuulirira baliko bulemu'

ABAZADDE abalina abaana abaliko obulemu abagenda okutuula ebibuuzo bya P7, S4 ne S6 basabiddwa obutabasuulirira...