TOP
  • Home
  • Amawulire
  • Ssaabalamuzi Owinyi Dollo agaanye okuva mu musango gwa Bobi

Ssaabalamuzi Owinyi Dollo agaanye okuva mu musango gwa Bobi

Added 23rd February 2021

MUNNAMATEEKA Hassan Male Mabiriizi asitaanidde mu kkooti ey’oku ntikko ng’agezaako okukkirizisa Ssaabalamuzi Alfonse Owinyi Dollo ave mu musango gwa Bobi Wine naye n’agaana.

Mabiriizi ng'ali mu kkooti.

Mabiriizi ng'ali mu kkooti.

Bya ALICE NAMUTEBI. 

MUNNAMATEEKA Hassan Male Mabiriizi asitaanidde mu kkooti ey'oku ntikko ng'agezaako  okukkirizisa Ssaabalamuzi Alfonse Owinyi Dollo ave mu musango gwa Bobi Wine naye n'agaana. 

Ssaabalamuzi Owinyi Dollo.

Mabiriizi ategeezezza Ssaabalamuzi Dollo nti enkolagana ye ne Museveni temusobozesa kuwulira musango gwa Bobi Wine kubanga yaliko looya wa Museveni mu kalulu ka 2006, Dr. Kiiza Besigye bwe yali amuwawaabidde nga kati abantu bamulaba ng'akolera ku biragiro bya Museveni era kyonna kyanaasala tekisobola kumatiza bantu. 

Mabiriizi agambye Dollo nti obwenkanya tebulina kwogerwa naye abantu balina okulaba nga bukolebwa kyokka okusinziira ku biriwo kati abantu bamulaba ng'akolera Museveni.  

Ayongedde okutegeeza nti enkolagana yaabwe eyongera okweyoleka kubanga oluvannyuma lw'okumuwolereza omusango mu 2006, mu 2008 Museveni yamulonda okubeera omulamuzi wa kkooti enkulu ate omwaka oguwedde namulonda okubeera Ssaabalamuzi wa Uganda ng'eri abantu balaba nkolagana nnungi eriwo wakati waabwe. 

Wabula Dollo ng'agaana okuva mu musango agambye Mabiriizi aleme kumulabisa ng'azze awoza emisango gya Museveni gyokka wabula agyeyo n'emirala nga ogwa Polof. Alex Ojok gavumenti ya Museveni gwe yali evunaana okulya mu nsi ye olukwe n'amuwolereza n'awangula ssaako enteseganya z'okumalawo olutalo lwa ssaabayeekera Joseph Kony zazze yenyigiramu okuleetawo eddembe mu mambuka ga Uganda. 

Dollo agambye nti okulondebwa kwe okubeera Ssaabalamuzi yasooka kusembebwa kakiiko ka Judicial Service Commission era ng'ekifo kyalimu tekisobola kuviirako kubeeera nakyekubira kubanga yalayira okusala emisango gyonna mu mazima n'obwenkanya. 

Agobye okusaba kwa Mabiriizi n'agamba nti ensonga kwasinzidde waakuziwa gye buddako. 

Bobi bwe yali ategeeza nga bw'agenda okugya omusango mu kkooti kyatannakola mu butongole yagamba nti enkolagana ya Ssaabalamuzi ne Museveni y'emu kwezo ezimuwalirizza kubanga tasuubira kufuna bwenkanya.

More From The Author

Emboozi z’omuwandiisi endala

Emboozi endala

Mabiriizi ng’agasimbaganye ne Ssaabalamuzi Dollo (ku ddyo).

▶️ Ssaabalamuzi Dollo ale...

SSAABALAMUZI Alfonse Owinyi Dollo agaanidde mu musango gwa Kyagulanyi Ssentamu n'agamba nti, yadde yawolerezaako...

Kyagulanyi ng’ayogera ku kuggyayo omusango.

Bobi okuggyayo omusango kik...

JUSTINE Kasule Lumumba, ssaabawandiisi wa NRM alangidde omubaka Robert Kyagulanyi obwannakigwanyizi olw'okuggyayo...

Abamu ku bannannyini masomero abeetabye mu lukiiko.

▶️ Ebisaliddwaawo mu lukii...

ABAKULIRA amasomero g'obwabannannyini bapondoose ne bakkiriziganya ne gavumenti okugaggulawo nga March 01, 2021...

Sipiiika (wakati) n’ab’amasomero.

▶️ Ab'amasomero ga nassale...

EKIBIINA ekigatta ebitongole ebikola ku nkuza y'abaana bagenze mu Palamenti ne beemulugunya olwa gaumenti okugaana...

Abatuuze ne poliisi ga bali we battidde Amolo.

▶️ Asse mukazi we n'amutem...

ASIKAALI ku kitebe kya UMEME e Mpigi asozze mukazi we ebiso mu bulago n'amutta oluvannyuma n'amutemako emikono...