Poliisi y'e South.Afrika ekutte abantu 2 ku ttemu eryabaddewo ku Ssande

Durban, South Africa

Poliisi e South Afrika etegeezezza nga bw'ekutte abantu babiri ku byekuusa ku ttemu eryakoleddwa  bamukwatammundu mwe baalumbidde bbaala bbiri ne batta abantu 19, ekyawanise bannansi n'ensi yonna emitima. 

Poliisi mu siteetimenti yaayo etegeezezza nti eno y'entandikwa y'okukwata bakaliffujjo abasse bannansi kyokka teyanjudde mannya gaabwe na biralala bibakwatako.

Abantu 15 be baafiiridde mu bulumbaganyi obwakoleddwa ku bbaala y'omu kibuga Soweto, ekiriraanye Johannesburg, ate bana ne bafiira mu ssaza ly'e KwaZulu -Natal mu nzita y'emu. 

"Ng' ensi tetusobola kukkiriza bumenyi bw'amateeka obw'engeri eno okugenda mu maaso ne buleka nga butusannyalazza, Gavumenti egenda kukola kyonna ekisoboka okufufuggaza bamukwatammundu bano," Pulezidenti wa South Afrika, Cyril Ramaphosa bwe yalaalise ku Ssande.