Bukedde FM etandise okuwa abantu eby'assava bya sekukkulu

BUKEDDE fm Embuutikizi etandise okutalaaga ebitundu bya Kampala n’emiriraano ng’eddiza ku bawagizi baayo abagiwagidde omwaka mulamba.

Nga bayita mu kazannyo kaabwe aka Gabula Ssekukkulu Oluvuutu webasangira omuntu yenna ng’atumbudde Bukedde Fa ma nga bamuwa eddakiika ssatu okugenda mu madduuka oba akatale ak’ejawulo okulonda ebintu byonna byayagala olwono Bukedde fa ma nebisasulira. 

MC Maswanku ng'agaba ebintu bya sekukkulu

Olwa leero (lwakusatu) Simon Maseruka (Simo omunene) ne Hannington Jjuuko (Masuanku) batalaaze obutale okubadde Nakawa ne Kibuye gyebasanze abantu nga bawuliriza Bukedde fa ma  ne babawa omukisa okulonda buli kyebagala ate bbo ne babisasulira. 

Mu butale bwombi gyebagenze basanze abantu bajjumbidde okuwuliriza pulogulamu okwabadde Endibba mu kijjulo n’Ekiryatabala. 

Carol Mayanja atunda amenvu mu katale e Nakawa yeyasoose okuwangula omukisa guno era mu ddakiika essatu yasombedemu ebintu okwabadde akasawo ka sukaali kiro 50, enkota y’ettooke, n’akadomola ka butto. 

Rose Kayanja ow’emyaka 80 yeyasinze okucamula abantu mu katale ke Kibuye bweyaduse emisinde okulonda ebintu okwabadde enkoko, omuceere n’akawunga ate ye Haula Wazinda yalonze eky'ennyanja kya Semutundu n’omuceere. 

Maseruka yategeezezza nti bakugenda mu maaso n’okuddiza abawagizi baabwe abawuliriza embuutikizi songa n’omusomi w’olupapula lwa Bukedde asobola okufunamu ng’ajjuza akakonge akabeera ku muko ogw’okubbiri buli lunaku ate olwo omulabi wa ttiivi w’owulirira akayimba ka Ssekukulu aka Philly Bongole Lutaaya nga kazannya ku Bukedde tv ng’okuba essimu ng’ofuuka muwanguzi.