Ab'Adiventi batuuzizza omulabirizi wa Luwero asoose

OMULABIRIZI wa North Buganda Fied etwala Luweero, Nakaseke ne Nakasongola atuuziddwa wakati mu kukubiriza bannauganda okwagalana ebitundu n'ensi lwe bijja okukulakulana.
MIinisita w'ebyenguudo n'entambula Gen Katumba Wamala asinzidde ku kkanisa y'abadiventi mu kibuga Luweero mu kutuuza omulabirizi Pr. David Semwogerere n'agamba nti abantu tebasaanye kweyawula lwa ddiini, mawanga na bibiina bya bufuzi kuba binoi bya kunsi gye tuyitamu obuyisi ng'ekikulu kya kwagalana.
Akuutidde abakulembeze ne bannaddiini okukunga abantu okukkumbira enteekateeka za gavumenti ez'okwekulaakulanya basobole okwegobako obwavu beeyagalire munsi yaabwe nga balina akasente munsawo.

Abakyala Abadiventi

Katumba Wamala avumiridde abavubuka abakeera okulera engalo ne badda mu bubuga ku ppuulu, ludo, okuwakanira emipiira gya Bulaaya, beetingi ne matatu n'agamba nti bino tebigenda kubafuula ba buvunaanyibwa n'abawa amagezi beemalire mu kukola.
Asabye abazadde okussa empisa mu baana baabwe baleme kukula nnagalaale
era babatwale ku masomero babawe eky'emisana basobole okusoma
obulungi.
Ssabalabirizi w'ekkanisa y'abadiventi Dr Moses Maka asabye omulabirizi Semwogerere okuvuba abantu badde eri Katonda kyokka n'amulabula okwesiba ebbiri ng'akola omulimu guno kuba ssi mwangu.

Pr Simogerere ng'awubira ku bantu

Omulabirizi Semwogerere asuubizza okutuukirizza ebigendererwa by'enzikiriza y'abadiventi omuli okubuulira enjiri, okutumbula eby'enjigiriza, 'eby'obulamu n'ebirala.
Obulabirizi buno bwakutuddwa ku bwa Central Buganda Conference ng'omulabirizi wa Central Buganda Conferance Pr. Samuel Kajoba omukolo agwetabyeko.