Amawulire
Paapa akuutidde Sipiika Among ku kukuuma eddembe ly’obuntu n'okubaga amateeka agagasa abantu
PAAPA Francis asiimye pulezidenti Museveni wamu ne sipiika wa palamenti Anita Annet Among olw’okuuma empisa ez’obuntu mu Bannayuganda .
Paapa akuutidde Sipiika Among ku kukuuma eddembe ly’obuntu n'okubaga amateeka agagasa abantu
By: Edith Namayanja, Journalist @New Vision
Paapa Francis asiimye pulezidenti Museveni wamu ne sipiika wa palamenti Anita Annet Among olw’okuuma empisa ez’obuntu mu Bannayuganda.
Sipiika Among ng'awayaamu ne Paapa.
Sipiika Among yagenyiwaddeko e Vatican mu Rome ku Lwokutaano nga eno paapa yamutegeezezza nga amaka ‘ffamire bwe guli omusingi ogukuuma empisa mu bantu nga n’olwekyo balina okufuba okulaba nga Bannayuganda baguyimirirako.
Yamukuutidde okukuumira bannansi mu ddiini era n’asiima Uganda olw’obugenyi bwe baAmuwa bwe yajja.
Akuutidde palamenti okubaga amateeka agagasa abantu , okufaayo ennyo okulaba nga bannansi bafuna ekyo kye bateekeddwa okufuna era kye basuubira mu gavumenti.
Asiimye pulezidenti Museveni olw’okufaayo ennyo ku ddembe lya bantu n’okulaba nga Uganda y’emu ku nsi ezisinga okubudamya ababundabunda.
Yayozaayozayozezza pulezidenti wamu ne maama Janet Kataha okutuuka ku Golden Jubilee era n’amwebaza okubeera omusaale mu kulwanyisa ekirwadde kya COVID 19. Guno omulundi gwakusatu nga sipiika akyala e Vatican.