AGABUUTIKIDDE FUL BULLETIN

Oct 14, 2023

Abayizi babiri okuli n’abadde agenda okutuula ebigezo bye ebyakamalirizo bafudde n’abalala 20 nebaddusibwa mu ddwaliro okuweebwa obujjanjabi nga bataawa. Bano kigambibwa baalidde emmere egambibwa okubaamu obutwa eyaleeteddwa ku ssomero omu ku basomesa era nnyina w’omu ku bagenzi. Babadde bayizi ku the Green School e Nakifuma mu Mukono. \\\\\\\\\\\\\\\\\\\\\\\\\\\\\\\ Ab’ekitongole ky’ebigezo mu ggwanga ki Uganda National Examinations Board UNEB bakakasizza ebya siniya ey’okuna eby’akamalirizo okutandika olunaku olwaleero n’okulambika abayizi kiyite briefing. Dan Nokrach Odongo asinzidde mu lukungaana lwa bannamawulire ku media center n’abebyokwerinda nebalabula bonna abeesomye okukoppera abayizi. //////////////////////////////////////////////////////////////// Abantu babiri battiddwa abagambibwa okuba abayeekera ba ADF, n’okulumya abalala babiri. Bano bakkidde n’emmotoka mwebabadde batambulira ng’etisse obutungulu n’ebagikumako omuliro. Bino bibadde ku kyalo Katolu e Mpondwe \\\\\\\\\\\\\\\\\\\\\\\\\\\\\\\\\\\ Abakolera mu Lubigi okuliraana enkulungo y’e Busega bakeeredde mu maziga olw’ekitongole ekivunaanyizibwa ku buttoned bwensi mu ggwanga n’aba Minisitry y’amazzi n’obutonde bwensi okumenya obuyumba mwebakolera n’okubagaba mu ntobazi. Bano babadde bakuumibwa Poliisi ng’edduumirwa ACP Moses Byabagye ne ba Kanyama okuva mu KCCA. //////////////////////////////////////////////////////////////////////// Bannakibiina kya NUP 45 abaakwatibwa bwebali bategeka okwaniriza president wa NUP Robert Kyagulanyi Ssentamu ng’ava ebweru w'eggwanga bayimbuddwa mu kakalu ka kkooti. Kino kibasanyudde ne bannamateeka baabwe ///////////////////////////////////////////////////////////////////// Amyuka ssentebe wa district y’e Hoima ne banne abalala 2 kkooti ebalagidde okuliyirira gavt obukadde 5 ezobuliwo oba okusibibwa emyaka 2mu nkomyo.Bavunaanibwa okupangisanga abantu tractor za gavumenti ezaali ziweereddwa district y’e Hoima olwo akasnte nebakeezibika. Bano baakwatibwa mu 2021 akakiiko akalwanyisa enguzi mu maka g’obwapulezidenti. \\\\\\\\\\\\\\\\\\\\\\\\\\\\\\\\\\\ Ebigezo eby’akamalirizo ebya siniya eyookuna olwa leero lwebitandise mu butongole n’ekigezo kya Briefing. Ab’essoemero lya Emirates High School Nakawuka bategese duwa okubawonga mu mikono gya Katonda basobole okuyita mu bigezo bino n’obuwanguzi. ////////////////////////////////////////////////////////////////////// Omusumba w'essaza lye Masaka Serverus Jjumba asabye bannayuganda obutagwamu suubi olw'embeera gyebayitamu ey’okusoomoozebwa. \\\\\\\\\\\\\\\\\\\\\\\\\\\\\\\\\\\ Maama Nnaabagereka asabye emikutu gy'Amawulire, okukulemberamu olutalo lw'okukuuma n'okuzaawo obuwangwa n'ennono mu bitundu by'enjawulo, Obubaka buno abutisse Judy Kimanyi, omu ku bakulira Nabagereka Development Foundation, mu musomo ogw'okukubaganya ebirowoozo ku ngeri emikutu gyamawulire bwejiyinza okutaasa obuwangwa n'ennono mu Ggwanga.