Balabudde abaneebalama okusalwa embalu e Kayunga

ABAGISU e Bugerere omwaka gw’embalu 2024 baagutandikidde mu ggiya, bwe batolontose ebyalo ne beewerera bonna abeebalama embalu nti olukalala balulina era bwe batavaayo kyeyagalire baakusalibwa ku mpaka.
Ekibinja ekimu nga kikulembeddwa aba kadodi kyatandikidde ku kyalo Nakyessa-Mbaalembaale ekirala ne kitandikira e Kisaaba olwo ne batalaaga ebyalo.
Sarah Nambuya ow’ensonga z’abakyala ku lukiiko olukulembera Abagisu e Bugerere yagambye nti ku mulundi guno baasaze abaana nga bakuliridde kubanga waliwo omwaka ogwalimu COVID -19 mwe bataatuukiririza nsonga ezo. Wetaya Gerald ne Vicent Wandugwa be bagguddewo okusala embalu era nga baatubuulidde engeri gye bagumyemu okusalibwa