Bajjumbidde okugula tiketi z’okuyingira Miss ne Mr Bukedde
ENTEEKATEEKA z’empaka ez’akamalirizo eza Miss ne Mr Bukedde sizoni ey’okusatu ziri mu ggiya za kubaawo ku Ssande eno ku paasika nga Much 30TH, ku Wonder World e Kansanga.
Abantu nga bagula tickets za Miss ne Mr Bukedde
ENTEEKATEEKA z’empaka ez’akamalirizo eza Miss ne Mr Bukedde sizoni ey’okusatu ziri mu ggiya za kubaawo ku Ssande eno ku paasika nga Much 30TH, ku Wonder World e Kansanga.
Ng’oggyeko abakontanyi omusanvu abatuuse ku fayinolo abagenda okusanyusa abantu nga babbinkana okulaba baani abatwala ebyapa by’ettaka ne ssente obukadde obutaano.
Ate n’abayimbi abanene okuli King Saha, Vinka, Kalore Kasita, Gasha Mutoni, Tom D ne bakazanyirizi okuli ba Meri heart Tumbeetu ne Mc Mariach nabob bagenda kusanyusa abantu.
Munteekateeka eno abantu ssekinoomu n’amakampuni okuli Medi Motors e Bakuli abatunda n’okugula emmotoka, Crown Japan Katwe abatunda kalonda w’ebyamasanyalaze by’omunyumba aba bavuddeyo ne bawagira enteekateeka eno nga bagulira abantu tiketi z’okuyingira mu kivvulu kino.
Aba Crown Japan baaguze tiketi za 500,000/- ate aba Medi Motors ne bagula za 400,000/- era ne bakunga n’abalala okuvaayo bawagire.
Okuyingira mu kivvulu kino kugenda kubeera ku 20,000/- ne 50,000/- ng’emirango ggyakuggulwawo ku ssaawa kkumi ez’olweggulo.