Ab'ebyokwerinda beezoobye n'abasuubuzi abakedde okwekalakaasa mu kibuga olw'omusolo gwa URA
Ebitongole by’okwerinda biyungudde abawanvu n’abampi okukuuma emirembe mu kibuga Kampala oluvannyuma lw’abasuubuzi abakolera mu Kampala okwekalakaasa ne baagala amaduuka gaabwe nga bawakanya omusolo gwa URA ogususse.
Ab'ebyokwerinda nga bali mu kibuga
Abasuubuzi mu Kampala okuba ab’e Wakiseka, Arua Park, Kikuubo, Min price qualicel, Nabugabo n’ewalala bakaanyizza kimu ne baggala ebizimbe n’amaduuka gaabwe nga balaga obutali bumativu okwo gattako abamu okukuma omuliro mu luguudo.
Kino kitaddewo obunkenke mu Kampala, ekiviriddeko ab’ebitongole by’ebyokwerinda okuyiwa abasajja baabwe bonna mu Kampala okukuuma obutebenkevu era bakira wootunula ng’eriiso olikuba ku mukuma ddembe.
Ab'ebyokerinda nga balawuna ekibuga okutaayiza ababadde bagezaako okwekalakaasa
John Kabanda ssentebe w’ekimu ku bibiina ebigatta abasuubuzi ki Federation Uganda Trader’s Association (FUTA) anyonyodde nti bagezezaako okwekubira enduulu mu b’ekikwatako okulaba nga bayambibwa ku misolo egisusse kyokka nga ttebabafaako kwekulawo bakunge banabwe bakole okwekalaakasa okweddembe.
No Comment