Omuliro gusanyizzaawo ebintu by'abayizi ku ssomero e Nansana

EBINTU by'abayizi abibalirirwa mu bukadde bw'ensimbi, bibengeyedde mu nnabambula w'omuliro akutte ekisulo ky'e ssomero e Nansana.

Omuliro guno agulowoozebwa okuba nga waliwo agukoloozezza, gukutte ekisulo ky'abayizi b'ekibiina eky'omusanvu ku ssomero lya Little Muheji Nursery and P/S mu Nansana West B zooni mu Wakiso.

Kidiridde abantu abatannamanyika nga beeyambisa emitimbagano, okuwereza abaddukanya essomero eryo obubaka, nga babatiisatiisa okutuusa obulabe mu kifo ekyo.

Kigambibwa nti mu kiseera omuliro we gukwatidde, essomero libadde likuumibwa musirikale ba poliisi era nga y'agezezzaako okutemya ku bekikwatako , okuguzikiriza.

Amyuka omwogezi wa poliisi mu Kampala Luke Oweyesigyire, agambye nti omuliro okukwata, waliwo abantu abasoose okutaganjula amasannyalaze ne kamera .

Ebimu ku bintu ebiyidde, mulimu emifaliso, ebitanda, engoye n'ebikozesebwa ebirala , kyokka nga tewali mwana afudde wadde okulumizibwa mu muliro ogwo.