Pulezidenti adduukiridde Klezia y’e Mpigi n’obukadde 20

PULEZIDENTI Museveni awadde Klezia y’e Mpigi obukadde 20 ziyambeko mu kuzimba Klezia galikwoleka ebalirirwamu obuwumbi obusoba mu 10.

Ensimbi zino yazitisse omuwabuziwe ku nsonga z’ebyobusuubuzi, Amelia Kyambadde eyazikwasizza bwanamukulu w’ekigo kya St. Joseph’s Mpigi Parish, Rev. Fr. Deogratius Kiibi Kateregga.
Amelia Kyambadde naye yawaddeyo ensawo za sseminti 100 ezibalirirwamu 3,500,000/-
ze yeeyama omwezi oguwedde.
Faaza Kiibi yasiimye Amelia Kyambadde olw’okubasakira n’okubeera n’omutima omuyambi kyokka ne yeekokkola bannabyabufuzi abeeyama ne batatuukiriza.
Amelia yasiimye Faaza Kiibi n’Abakristu bonna olw’omulimu, gw’okuzimba. Ssaabakristu w’ekigo ky’e Mpigi, Serestino Kaweesa yasabye abakulembeze n’abazirakisa okwongera okubakwatirako.