Bukedde aleese Holiday Package y’abali mu luwummula

OLUPAPULA lwa Bukedde lukuleetedde ebibuuzo by’abayizi ba P7, eby’okwegezaamu nga bali mu luwummula, obwongo buleme kwebaka..
Buli lwa Mmande, tugenda kukuleeteranga ebibuuzo by’Okubala (Maths) ne Social Studies, ate ku Lwokuna tukuwe Ssaayansi n’Olungereza. Ansa z’ebibuuzo ebikoleddwa ku Mmande zijja kubangamu ku Lwokuna, ate ez’ebibuuzo by’Olwokuna tuzikuwe ku Mmande.
Omukuhhaanya wa Bukedde Michael Ssebbowa, yagambye nti kino Bukedde ekikoze, okusobozesa omuyizi okubeera ng’agezesa obwongo mu bbanga ly’anaamala ng’ali mu luwummula.
Yasabye abazadde okwekwatanga Bukedde wa Mmande n’Olwokuna, basobole okuyamba abaana baabwe okugezesebwa ekimala nga tebannatuuka mu bigezo eby’akamalirizo, nga bannaabwe ab’omu bibuga bwe bakola.
Abasomesa abateekateeka ebibuuzo bya Bukedde, beebo abasomesa mu masomero ag’amaanyi mu Kampala ne Wakiso, ekiwa omuyizi omukisa okulaba embuuza y’ebibuuzo eri ku mulembe, n’engeri ey’okubiddamu, agende okutuuka ku bya PLE nga asaza kimu.
Mu nkola ya Bukedde ey’obutanyunyunta bantu, olupapula lusigadde ku nnusu 1,000/- zokka, wadde nga lulimu ebigezo ebigenda okuyamba okuwagala obwongo bw’omwana wo, asobole okuyita obulungi ebigezo bya PLE ku nkomerero y’omwaka