Ebiragalalagala byandekera enkovu ez’olubeerera

Sandriana Kemigisha, amanyiddwa nga Rasta Pussy, anyumya nti: Ebiragalalagala bye nakozesa byantuusa okumala emyaka munaana nga sigenda mu nsonga za kikyala.
Omusajja Omuyindi gwe nasisinkana ye yanjigiriza okukozesa ebiragalalagala
eby’amaanyi okwali; Cocaine, Heroine, Crack, n’enjaga bye yali akozesa, ne nfuna n’olubuto lwe olwambonyaabonya n’omwana ffamire ye n’emunzigyako olw’okubeera nga mbikozesa.
Nakogga okuggwaawo nga buli omu yeebuuza ekinnywa. Natandika okwetunda olw’ebiragalalagala nga mmaze okuzaala, bansibako mu kkomera
e Luzira.
Ensonyi nazinaaba mu maaso nga sikyaswala ne mmange nga mmubba ne nneeyongerayo.
Naye Mukama yampa omukisa ogw’okubiri, ekibiina kya Uganda Harm Reduction Network abajjanga mu Ghetto bambudaabuda ne bannyamba era kati ntunga bitambaala n’ebyokwewunda ebyanjigirizibwa aba Presidential Initiative for Skilling and Rehabilitation of Ghetto Youth.
Njagala mbeere maama
omulungi, kati mbeera ku ddwaaliro e Butabika nkyafunaobujjanjabi. Sikyasobola kudda ku biragalalagala kuba byandekera enkovu ez’olubeerera.