Omu ku bagambibwa okubeera omuduumizi wa ADF akwatiddwa
![](https://newvision-media.s3.amazonaws.com/cms/9eabc8ff-875f-4038-a774-3e1a0bf6aabd.jpg)
Godfrey Kigobero
Journalist @Bukedde
OMUVUBUKA agambibwa okuba omuduumizi w'ekibinja ekimu ekya ADF e Congo, akwatiddwa mu kikwekweto ekimanyiddwa nga Operation Shujaa.
Anywari Al Iraq amanyiddwa nga AA y'awambiddwa ab'eggye lya UPDF nga bali wamu n'abamagye g'omukago e Congo . Kigambibwa nti ono, mukugu mukukola bbomu ezimanyiddwa nga Improvised Explosive Devices { IEDs } .
Omuvubuka ono kigambibwa nti nzaalwa y'e Busia mu Uganda era nga mu kikwekweto kino, bazuuliddemu emmundu emu ey'ekika kya SMG , amasasi 45, radio calls 3, RPG emu n'ebintu ebiwerako.
Omwogezi w'ekibinja ky'amagye agomunsozi Maj Bilal Katamba, ategeezezza nti abaana bana ,n'abakazi Bataano, nabo banunuddwa okuva mu buwambe mu Ituri Province e Congo.
Agasseeko nti bonna abanunuddwa bali mu mikono gy'amagye ga UPDF nga bagenda mu maaso n'okufuna obujanjabi n'okubudaabudibwa.
No Comment