Pulezidenti Museveni asabye bannaddiini okukubiriza abagoberezi baabwe okukola enyo balwanyise obwavu

 

Bino byabadde mu bubaka bwe yatisse minisita avunaanyizibwa ku masannyalaze n'obugagga obw'omuttaka Dr. Ruth Nankabirwa ku mukolo ekigo kya Nandere bwe kyabadde kijaguza okuweza emyaka 125 bukya kitandikibwawo n'agamba nti obugayaavu kibi kuba ne Kristo gwe basinza yali mubazzi era nga munjiriye yekuusanga nnyo ku kukola, okuwonya abalwadde, abayala, ba kiggala n'abali mu bwetaavu 

 

Yasiimye abaminsani ba white fathers abaatandika ekigo kino ekiyambye  okulyoowa emyooyo gy'abantu ne bakyusa empisa nga beewala enguzi, obubbi, ettemu, okutulugunya abaana, okusaddaaka, okutumbula eby'eny'enfuna, eby'enjigiriza n'ebirala. Yabawadde obukadde 20 ..

 

Katikkiro Charles Peter Mayiga yagambye nti obwakabaka bwa kugenda mu maaso n'okukwatagana ne keleziya okutumbula n'okutuusa empeereza ku bantu 

 

Yagambye emyaka 125 giraga okusajjakula na kuzzukuza n'asaba abantu okukyusa endowooza ..

 

Omusumba w'essaza lya Kadana Luweero Lawrence Mukasa yagambye nti ekigo ekyatandikibwawo ng'ekiberyeberye mu ssaza kizadde ebirala 21 mu ssaza lino eritwala Luweero, Nakaseke ne Nakasongola...

 

Bwanamukulu wa Nandere Fr Matiya Jjooga Mulumba yasiomye obwakabaka  obwabawa sikweya mayilo ennamba okuli ekigo kino n'agamba bagikozesezza nga basimba emmwanyi, olusuku n'emiti 

Ends