Omukazi agambibwa okukakibwa akaboozi akaabidde amaziga mu kkooti ng'awa obujulizi

Agnes Nkasiima bwabadde awa obujulizi ategeezezza kkooti nga bwatambulira eri mu kuswala eri omwana we eyasanga maama we ng'omusajja omwelipyeko wamu n'okufiirwa ba kasitooma be ababadde bamugulako ebintu. 

 

Mu bujulizi bweyaleese eri kkooti yategeezezza nti Mathias Musalirwe 42 omutuuze we Bukoto mu divizoni ye Nakawa mu disitulikiti ye Kampala yagezaako okumutuusaako ogw'obiliisa maanyi era nga byonna byatuukawo nga February 20,2025 mu kitindu kyekimu.

 

Nkasiima yategeezezza kkooti nti Musalirwe yakozesa olukujjukujju n'atuma mutabani we ku kaduuka asobole okufuna akaagaanya wa mukwatira era nga yagezaako okwekubira enduulu eyaleeta omukuumi wa waka eyamutaasa.

 

Bino byonna nga abinnyonnyola yakulukusizza amaziga n'ategeeza omulamuzi Ronald Kayizzi nga omwana we omuto eyamutaasa n'asindika omusajja eyali agezaako okumukaka akaboozi k'ekikulu era nga mukugezaako okwerwanako n'amumalira ku kiteereyi.

 

Omulamuzi Kayizzi alagidde Nkasiima okuleeta ekiteteeyi ekyo mu kkooti basobole okwongera okwekebejja endaga butonde oba nga ddala ekwatagana neya Musalirwe.

 

Omusango gwakuddamu okuwulirwa nga March 19,2025.