Omuvuzi wa bodaboda n'omusaabaze bafiiriddewo mu kabenje akagudde e Mbale.
Mar 16, 2025
Akabenje kano, kabadde ku lutindo lwa Nabuyonga ku luguudo oludda e Kumi, mmotoka nnamba UBE 149U Fortune ebadde evugibwa ddereeva atannamanyika bimukwatako, bw'emulemeredde n'atomera pikipiki
By Godfrey Kigobero
Journalist @New Vision
Omuvuzi wa bodaboda n'omusaabaze bafiiriddewo mu kabenje akagudde e Mbale.
Akabenje kano, kabadde ku lutindo lwa Nabuyonga ku luguudo oludda e Kumi, mmotoka nnamba UBE 149U Fortune ebadde evugibwa ddereeva atannamanyika bimukwatako, bw'emulemeredde n'atomera pikipiki nnamba UFT 587C Bajaaj boxer okubadde omusaabaze bombi ne bafiirawo.
Omuvuzi wa pikipiki afudde, ategeerekese nga Joshua Naisisa 24 ow'e Busajjabwankuba.
Omwogezi wa poliisi e Mbale, Rogers Taitika, agambye nti emirambo gyombi, gitwaliddwa mu ggwanika ly'eddwaaliro e Mbale okwekebejjebwa.
Ayongeddeko nti, ddereeva yaliba ng'abadde avuga ndiima mmotoka n'emulemerera era nga mu kiseera kino ayiggibwa.
No Comment