Ebya Besigye ne Lutale bazzeemu okuwanvuwa

DR. Kiiza Besigye ne Hajji Obeid Lutale bakomezeddwaawo mu kkooti e Nakawa
wakati mu bukuumi obw’amaanyi ne basimbibwa mu maaso g’omulamuzi Esther yadoi.
Oludda oluwaabi lutaddeyo okusaba kwalwo mwe baagalira okukebera essimu za Besigye ne Lutale mwe basuubira obujulizi ku misango egibavunaanibwa.
Okusaba kuno kwateereddwaayo omuserikale anoonyereza ku fayiro eno Benedict Odyek ng’ayita mu muwaabi wa Gavumenti, g’agamba nti amasimu ga Besigye
ne Lutale beetaaga okugeekebejja, okuzuula obujulizi babwongere ku fayiro.
Wabula oludda oluwaabi lwagala Odyek, balooya ba Besigye aleme kumukunyiza mu kkooti nga mulimu bannamawulire n’abantu baabulijjo, olw’ebyokwerinda. Kino balooya ba Besigye okuli Erias Lukwago ne Fred Mpanga baakiwakanyizza nga
bagamba nti Odyek ebimwogerako baabireeta dda mu kkooti era amanyiddwa nga tekyetaagisa ate kumukweka ng’aliko by’ayogera ku musango ensi yonna  w’etunuulidde. esigye, Lutale, n’omujaasi wa UPDF, Capt. Denis Oola n’abalala abanoonyezebwa, kigambibwa nti wakati wa November wa 2023 ne 2024 nga basinziira mu bitundu eby’enjawulo omuli n’ekibuga Geneva Switzerland, Athens mu Greece, Nairobi mu Kenya, ne Kampala, baakola lukwe lw’okuwamba  Gavumenti