Bp. Banja atenderezza Paapa Francis

OMULABIRIZI w’e Namirembe Moses Banja atenderezza Paapa Francis olw’oku- lwanirira eddembe ly’obuntu n’okulumirwa abanaku.
Bino yabyogeredde ku Lutikko e Lubaga eggulo (Lwakubiri) bwe yabadde agenze okukubagiza Ssaabasumba w’Essaza ekkulu erya Kampala, Paul Ssemogerere n’Abakatoliki bonna mu ggwanga olw’okufiirwa Paapa.
Banja yateegezezza nti Paapa Francis tabadde muntu waabulijjo nga kino kyeyolekedde mu bwagazi bw’abadde nabo obw’okuweereza abalala nga ne bw’abadde omulwadde akozenga teyeesaasira.
Yayongeddeko nti Paapa abadde wa bantu bonna awatali kusosola mu mawanga, ddiini na myaka nga kino kyeyolekera nnyo ku bugenyi bwe mu Uganda mu 2015.