Poliisi enoonya ab'eng'anda z'omuvubuka eyasangiddwa ng'afiiridde ku nsiko

POLIISI  y’e Buikwe eri mu kunoonya abeng’anda z'omuvubuka ateeberezebwa okubeera mu myaka nga 25, gwe basanze ng'afiiridde ku nsiko.

Bino, bibadde ku kyalo Moneko mu muluka gw'e Butinindi mu ggombolola y'e Kawolo e Buikwe, omulaalo abadde alunda embuzi, bw'agudde ku mulambo gw'omuvubuka ono atamanyiddwa mu kitundu.

Okusinziira ku ssentebe wa LC1, mu kitundu ekyo Ssalongo Patrick Ndawula nga bali wamu n'ow'ebyokwerinda, baategeezezza poliisi y'e Lugazi nti omugenzi abadde ayambadde empale nzirugavu,  T- Shirt nga nayo nzirugavu nga kuliko ekigambo { BALENCIAGA }, sookisi n'engatto nga nabyo biddugavu.

Ensonda mu poliisi, ezitegeezezza nti mu nsawo y'omugenzi , mubaddemu ekibiriiti ne nnusu 1,000/-. Omulambo , gutwaliddwa mu ggwanika e Kawolo okwekebejjebwa, ng'okunoonyereza bwe kukolebwa