Abavubuka baagala Museveni abawe ministry ey'etongodde

AVUGANYA ku kifo okukiikirira abavubuka mu palamenti asabye Pulezidenti Museveni mu kisanja ekijja okutondawo minisitule yaabwe eyetongodde kubanga ensonga zaabwe tezimutuukako bulungi kyokka nga be basinga obungi mu ggwanga.

 “Uganda mu kiseera kino, abavubuka abali  wakati w’emyaka 18 ne 30,  bali 10,7000,000. ku bukadde bw’a bantu 45, okusinziira ku kubaala kwa bonna okwakaggwa, era siraba nsonga lwaki abavubuka tetuweebwa minisitule yaffe eyetongodde ne bakomya okutugatta omugeto n’abantu abasukka emyaka gy’omuvubaka 30 egyogerwako mu mateeka g’ebyokulonda.

Abavubuka nga bawanise ebipande

Bino Glod Ikyiriza, omukyala agenda okwesimbawo okuvuganya ku kifo ky’okukikkirira abavubuka bonna mu ggwanga mu Palamenti ku kaadi ya NRM mu kalulu ka 2026- 2031, era nga yamaze dda n’okujjayo empapulaze ku kitebbe kyabwe e Kyadodo yabyogedde alangirira okuvuganya ku  kifo mu butongole ku Fairway Hotel Mu Kampala eggulo.

Anawangula ekifo kino wakudda mu kifo kya minisita omubeezi ow’eby’obugagga obw’omu ttaka abakikkirira mu kiseera kino Phiona Nyamutoro kyalimu nga ye Nyamutoro alamuza kya mubaka omukyala owa disitulikiti y’e Nebbi.

Abalala abavuganya ku kifo kino ku kaadi ya NRM kuliiko Mercy Kanyesigye, Siyemah Atukunda, Suzan Barumu Katusiime ne  Diana Ampaire Kampe.

Gold yasabye abakungu ba gavumenti abamu okukomya okukozesa abavubuka nga kondomu mu biseera by’okulonda kyokka akalulu bwe kaggwa ne basulibwa ebbali ne batabafaako

“Bwenaba mpangudde ekifo kino okubakikkirira mu Palamenti ngenda kufuba okulaba nga nteekawo amaanyi agalwanirira omwana omulenzi kubanga mu butuufu mu kiseera kino asuliddwa nnyo ebbaali nga bwekyasooka okubeera ku mwana omuwala ku bakulembeze abasooka kyokka Pulezidenti Museveni bweyajja mu buyinza namujjukira” Glod bweyategezezza.

Abavubuka nga bakung'aanye

Bannyina ffe bangi bafubye okusoma kyokka bwe bamala badda mukukola gwa kuvuga bodda olw’okuba tebalina mirimu kyokka nga betugenda okufumbirwa olw’okuba tebalina minisitule eyetongodde omuli minisita w’emyaka gyabwe amaanyi bye bayitamu.

Yasabye abavubuka okwetanira ennyo enkola za gavumenti   zereese okusobola okubajja mu bwavu omuli emyooga. PDM, livelihood program n’ebirala lwe banasobola okufuna entandikwa naye wajja okubasanga nga amaze okuyingira mu palamenti.

Yagambye nti alina obumuanyirivu mu kukulembeera abavubuka okuli ekifo ky’omumyuka w’ekibiina kya bavubuka mu ggwanga lyonna ekya “Uganda National Students Association 2023-24, minisita w’ensonga z’abakyala ku  Makerere University mu 2023, omukulembeze w’abayizi mu by’enjigiriza ku  St. Peters Naalya SS n’ebifo ebirala.

Henry Luzinda, ssentebe w’abavubuka mu kibiina kya NRM mu disitulikiti y’e Wakiso okutunnula ennyo mu bavubuka ku mulundi guno nga alonda ebifo byaba minisita mu kisanja ekijja kubanga abavubuka bangi besimbyewo mu kibiina era ne bawangula abakadde abaabadde mu bifo ebyo ekirala nti bamuwagira.

Abalala ababaddewo kuliiko Viola Nantege n’abavubuka okuva mu bitundu bya Uganda ebyenjawulo okuli Mbale, Isingiro, Mbarara, Bushenyi, Luweero, Mubende, Masaka n’ebitundu ebirala ne basaba bannabwe babegatteeko akalulu bakawe musaayi muto Gold.