Napak akalaatidde ab'e Karamoja okussa Gavt ku nninga okutuusa obuweereza

OMUBAKA omukyala owa distulikitti y'e Napak, Faith Nakuti, aweze okwongera okuteeka gavumenti ku nninga  okulaba nga  abantu be b'akiikirira okuva e Karamoja bafuna obuweereza obusaanidde nga bweguli mu bitundu by'eggwanga ebirala.

Nakuti okwogera bino yasinzidde ku kyalo  Odiche e Napak bwe yabadde asisinkanye abalonzi be okubeebaza olw'okuddamu okumussaaju obwesige okukwatira ekibiina bbendera okuvuganya ku kifo ky'omubaka omukyala owa Napaka mu kulonda kwa bonna okwa 2026 .

Wabula yalaze obutali bumativu olw'abaana abayitiride okukusibwa okuva mu distulikiti eno ne batwalibwa nga ku nguudo z'e Kampala okusabiriza nga kw'otadde n'okutwalibwa mu bifo ebyenjawulo okukola obwayaaya n'emirimu emirala mingi egyesittaza.

Napak ng'ajaganya n'abawagizi be

Yabasuubiza nti okusomoozebwa kuno kw'agenda okutandikirawo okulaba nga akugonjoola .

Mu ngeri y'emu yeebazizza akakiiko ka bannamateeka akaateekebwawo Pulezidenti Museveni okuwulira emisango egy'ababbibwa obululu mu kamyufu ka NRM, n'ategeeza nti kasaze mazima bwekalangiride nti kandideeti omutuufu eyawangula mu kamyufu k'ekibiina.

Kino kyaddiride munne gwe yavuganya naye Stella Naome  okumuwawaabira nga awakanya ebyava mu kalulu wabula ko akakiiko ne kasala amazima.

Omubaka Faith Nakuti ng'abuuza ku balonzi be mu disitulikitti y'e Napak