Abakrisitaayo mu kkanisa ye Bukeeka e Kapeeka bali mu kaweefube wa kusonda za kuzimba kkanisa

ABAKRISTAAYO mu Kkanisa ya Bukeeka mu ggombolola ya Kapeeka mu disitulikiti ya Nakaseke   basonze ssente  z’okugizimba ekkanisa yaabwe esobole okuatukana n’omutindo .

Dr Kasasa nga basonda ssente ez'okuzimba ekkanisa ye Kakeeka

Enteekateeka z’omukolo guno zaakulembeddwamu omukubiriza w’obusabadinkoni bwa Semuto Dr.  Patrick Kasasa  yagambye nti eKkanisa yaabwe ebadde bubi nga yetaaga okuzimbibwa okutuukana n’omutindo . Yagambye nti ekkanisa eno  ezimbiddwa bantu babulijjo okuva ku ntandikwa abeekubira bulooka . Yayongeddeko nti ssente zebakunganya za kulongosa n’okugiddabiriza eKkanisa eno  ebweru ne munda , okusigibwa langi , okuteeka olukomera lwa wolotaali ne ntebe zonna esobole okubeera ey’omulembe .

Era Dr. Kasasa    yatonedde eKkanisa eno Ennanga egenda okukozesebwa aba Kwaaya mu kutumbula ebitone byaabwe  n’okusitula ennyimba zabwe .  

Dr Kasasa yeebazizza ne bannalotale banne olw'okuba nga batambulira wamu obutabalekerera ku project yonna.

Ebimu ku byaleeteddwa mu katale okusonda ez'okuzimba ekkanisa

Omukolo guno ssabadinkoni  wa Semuto Rev Canon James Ebil Ekak Lubwama asabye bannabyabufuzi okukozesa obulungi ekiseera ky’okunoonya obululu nga beewala okwenyigira mu bumenyi bwa mateeka ekinabawonya okugwera mu nkomyo mu biseera bya Ssekukulu .

“Bannabyabufuzi mubeera kyakulabirako , mukole  ebibateekateeka obulungi nga temumenya mateeka  n’okunyigiriza abalala baleme kugwera  mu Kkomera nga  tuli mu kiseera kya kweteekera mazaalibwa ga Yesu Kristu “Can Ebil bweyagambye

Akulira akakiiko akakola ku by’okuzimba Moses Seguya  yagambye nti  eKkanisa yetaaga obukadde 52,000,000/- okuzimbibwa neggwa bulungi  wabula basobodde okusonda  obukadde 2,400,000/- neyebaza bonna abetabye mu kuwaayo ebintu ebitundiddwa ku katale ku  mukolo guno okusobola okufunamu ssente zino  .

Ssaabadinkoni Ebil nga yeebaza Bannalotale be Semuto okwetaba ku mukolo gw'okuzimba ekkanisa ya Mukama

Omukolo gwetabiddwako bannaddini okuva mu bitundu ebyenjawulo okwabadde Rev. Disan Lwandagga , Rev. Emmanuel Kabuye Rev.  Lukwago  Akkiriza nabalala abasomedde obubaka mu bayibuli obubasaba kwekwasa katonda myu kiseera kino . Era   kwaaya mukaaga okuva mu  Kkanisa ezenjawulo okuli  St. Peters- Bukeeka ,  Friends of Christ (Semuto) St. Apollo Kivebulaaya (Maganjo) St. Jude Bagala, St Mark Church of Uganda ne  St . Luke - Kirema zombi za Semuto nga   zayimbye ennyimba ezibateekateeka okutuka ku mazaalibwa ga Yesu