Amawulire
Omugoba wa ppiki ya Gavumenti eyakoonye omukadde n'adduka poliisi emuyigga
Poliisi e Njeru mu Buikwe, eyigga omugoba wa pikipiki y'ekitongole kya gavumenti, agambibwa okuvuga obubi n'akoona nnamukadde ow'emyaka 85 n'amulumya.
Omugoba wa ppiki ya Gavumenti eyakoonye omukadde n'adduka poliisi emuyigga
By: Godfrey Kigobero, Journalist @New Vision
Poliisi e Njeru mu Buikwe, eyigga omugoba wa pikipiki y'ekitongole kya gavumenti, agambibwa okuvuga obubi n'akoona nnamukadde ow'emyaka 85 n'amulumya.
Bibadde ku kyalo Kiryowa ku luguudo oluva e Nyenga okudda e Njeru mu disitulikiti y'e Buikwe, piki nnamba UG 3102092 ekika kya Boss, bw'etomedde Mary Ameke 85 n'alumizibwa.
Ebadde evugibwa omusajja atannategeerekeka bimukwatako era ng'adduse. Ye nnamukadde, atwaliddwa mu ddwaaliro ly'e Jinja, okuweebwa obujjanjabi.
Omwogezi wa poliisi mu Ssezzibwa , Hellen Butoto, agambye nti piki bagitutte ku poliisi okugyekenneenya nga bwe bayigga abadde agivuga .