Akabenje katuze omujaasi wa UPDF abadde awerekera minisita,abalala bali ku bisago
OMUJAASI wa UPDF omu afudde n'abalala munaana nga kuliko abantu babulijjo babiri, ne bafuna ebisago eby'amaanyi mu kabenje akagudde ku luguudo oluva e Kampala okudda e Ggulu.
Akabenje katuze omujaasi wa UPDF abadde awerekera minisita,abalala bali ku bisago
OMUJAASI wa UPDF omu afudde n'abalala munaana nga kuliko abantu babulijjo babiri, ne bafuna ebisago eby'amaanyi mu kabenje akagudde ku luguudo oluva e Kampala okudda e Ggulu.
Akabenje, kabadde ku kyalo Kalule nga waakava e Bombo, mmotoka ey'ekika kya FUSO nnamba UAN 394Z ebadde egezaako okuyisa ng'edda Luweero , bw'etomereganye ne Toyota Hilux nnamba UG 0388D abantu ne bafa.
Kabangali eno, ebadde mu luseregende lw'emmotoka eziwerekera omubeezi wa minisita w'ebyokwerinda Hon . Huda Olele.
Afudde, ye L Cpl. Moses Edongot ate abajaasi abalala 6 n'abantu baabulijjo babiri, ne bafuna ebisago eby'amaanyi ne batwalibwa mu ddwaaliro lya General Military Hospital e Bombo.
Omwogezi wa poliisi mu Savana, Sam Tweanamazima, agambye nti emmotoka zitwaliddwa ku poliisi e Bombo, ng'okunoonyereza bwe kugenda mu maaso.