Kkwaya ye Namirembe eyimbye ennyimba z'amazaalibwa

Kkwaya eyimba mu kusaba okw’essaawa 4, mu Lutikko y’e Namirembe (Namirembe Cathedral Choir) eyimbye ennyimba z’Amazaalibwa (ezimanyiddwa nga Carols by Candlelight). Y’aziyimbidde mukusaba okw’enjawulo, okw’abadde mu Lutikko e Namirembe ku Ssande nga December 7. Ennyimba z’ajjumbiddwa nnyo abantu, abajjuzza Lutikko n’ebooga.

Kwaya ng'eyimba

Ekivvulu kino ekikireetera okuba eky’enjawulo, by’ebyawandiikibwa ebitukuvu ebikwata kukuzaalibwa kwa Kristu, ebiwerera ddala mwenda, ebisomebwa abantu ab’enjawulo, kkwaya bw’eba ng’eyimba.

Okuyimba ennyimba z'amazaalibwa

Kumulundi guno abaasomye eby’awandiikibwa kw’abaddeko  Omulamuzi Catherine Bamugemereire, Omumyuka wa Katikkiro wa Buganda Robert Wagwa Nsibirwa, Omulabirizi w’e Namirembe eyawummula Wilberforce Kityo Luwalira, n’abalala.

Ennyimba z’anyumye, era abantu baayozaayozezza nnyo  omukubi w’omukono John Ssekibaala, n’omukubi w’Ennanga Paulo Luggya, bebagamba nti kkwaya baagyiteeseteese bulung.