Poliisi ekutte abantu 7 abagambibwa okubeera emabega w'obubbi bwa Ppikippiki mu Kampala

Abantu 7 abagambibwa okubeera amabega w'obubbi bwa pikipiki mu bitundu by'e Rubaga mu Kampala, bakwatiddwa.

Kino kiddiridde okwemulugunya ku bubbi bwa pikipiki okubadde kususse naddala mu bitundu omuli Lungujja Kosovo, Mutundwe, ne Nakawuka Rd.

Poliisi e Nateete, ekutte Denis Mwesigwa, Washington Erias, Samuel Niwugu, Derick Nasasira, Medy Mbabali ne Sam Nsereko.

Pikipiki bbiri eziroowozebwa okuba enzibe, nazo zizuuliddwa mu kikwekweto kino era nga kuliko UEW 612H, ne UMA 471 AG n'ebizibiti ebirala.

Mu ngeri y'emu era poliisi ku CPS ekutte Hakim Mugabi amanyiddwa nga Younger , agambibwa okuba omusazi w'ensawo kungwa ku luguudo lwa Luwum street mu Kampala.

Omwogezi wa poliisi mu Kampala Racheal Kawala, agambye nti bamukwatidde awo okumpi ne  Mutaasa Kafeero mu kibuga wakati.