Ababbooda basobezza kirindi ku muwala eyabadde adda awaka ng'ava mu kkiraabu

Poliisi e Kabalagala eri mukuyigga abavuzi ba bodaboda, abagambibwa okufumbiikiriza omuwala ow'emyaka 22 nga yabadde musaabaze, ne bamusobyako kirindi.

Obulisaamanyi buno, bwabadde Muyenga mu munisipaaliy'e Makindye mu Kampala, omuwala ono bwe yabadde ava ku kabaga k'amazaalibwa mu kkiraabu emu e Bugoloobi.

Kigambibwa nti ono, yabadde agenda Buddo mu Kyengera town Council nti era kwe kutegeeregana n'owa bboda omu, nti bwe yasimbudde yamututte Muyenga n'aba bbooda abalala ne bamugoberera, kwe kumusobyako kirindi ne bamunyagako n'essimu ze bbiri.

Omwogezi wa poliisi mu Kampala Recheal Kawala, agambye nti, okunoonyereza, kugenda mu maaso.