Owabbooda bamutaddeko ekiso ne bamubbako ppiki ye e Ggangu

Omuvuzi wa bodaboda okuva e Ggangu ku luguudo lw'e Busaabala akiguddeko, bwe bamutaddeko ekiso ne bamutwalako pikipiki.

Bagibbidde mu Kibira cell B e Masajja mu Ssaabagabo Makindye e Wakiso, omusajja omu bw'amupangisizza okuva e Ggangu nga bukya, nti bwe batuuse w'aviirako ku kikomera, we basanze omusajja omulala n'ejjambiya pikipiki ne bagimuggyako.

Ssentebe wa LC 1 mu Kibira Cell B e Masajja , Wasswa Luwandagga, agambye nti Mutwalibu Madooba gwe babbyeeko pikipiki nnamba UFT 714.

Agasseeko nti waliwo omuvubuka abadde yaakayimbulwa okuva mu kkomera ku misango gye gimu mu kitundu ekyo, nga bateebereza nti yandiba omu ku abo.