Omuvubuka asazeeko banne 2 obulago naye n'agezaako okwetta: bamuddusizza mu ddwaaliro ng'ataawa

OMUVUBUKA avudde mu mbeera n'asalako banne babiri obulago naye n'agezaako okwetta, kyokka n'atwalibwa mu ddwaaliro e Mulago ng'embeera mbi.

Bibadde mu zzooni ya Kawempe mu Kisenyi III mu Kampala omuvubuka Omurunda amanyiddwako erya Emma 30, gy'agambibwa okusalako Barundi banne babiri obulago , naye n'agezaako okwetta.

Abattiddwa, kuliko ow'emyaka 20 abadde akola ogw'obutembeeyi n'omulala wa myaka 30 . Omu amuttidde mu mmita nga 300 okuva awabadde omulala era ng'amusanze yeebase. Bombi, abasaze obulago nga embuzi.

Amyuka omwogezi wa poliisi mu Kampala, Luke Oweyesyigire, agambye nti, omuvubuka ono Emma ng'abadde yeeyita Young 30, bamusanze ataawa ne bamutwala mu ddwaaliro e Mulago, okufuna obujjanjabi.

Ayongeddeko nti bakyabuuliriza okuzuula , ekivuddeko ettemu lino  era nga bazudde ebiso bibiri, ebiroowozebwa okuba nga bikozeseddwa mu ttemu.