Kkwaya ya Yesu Kabaka ecamudde abantu ku Sheraton Hotel

Kkwaya eyimbira mu missa ey’essawa 4, mu Klezia ya Yezu Kabaka mu Kampala (Christ the King Church Choir) ekoze ekivvulu ky’ennyimba z’Amazaalibwa. Ekivulu kino ekyetabiddwako abantu abangi kyabadde mu Sheraton Hotel mu Kampala, ku Ssande (December 14, 2025).

Kwaya ng'ekuba ebivuga

Kkwaya eno eyabadde ewerekerwako abakubi b’ebivuga okuva mu Africa Institute of Music, n’omukubi w’ennanga ow’erinnya Paulo Luggya  (eyavudde mu Lutgikko e Namirembe), baayimbye ennyimba ennyingi, omwabadde ez’abayiiya ab’ebweru, n’abawano. Baayimbyeyo nekunnyimba  ezaabulijjo, ezimanyiddwa abantu bonna, nebasobozesa abawagizi baabwe okwetaba obutereevu mu kivvulu, ngabayimbira wamu nabo.

Ekivvulu kino eky’amaze essawa 3 bwekyabadde kigenda mu maaso, waliwo abayimbi abaakutte ennyo abawagizi omubabiro, okw’abadde omuwuubi w’omukono Jimmy Avini, n’abayimbi b’eddooozi erimu (solo), naddala Liz Namukose, Agnes Alowo Nsiimoomwe, Grace Irakiza, Bill Kevin, Henry Kaweesa, Edmund Kauka, ne John Mary Mukiza.

kkwaya ng'eyimba

Ssentebe wa kkwaya eno, Felix Nsimoomwe yeebazizza Abakristu b’ekigo kya Yezu Kabaka, n’abawagizi ba kkwaya eno bonna, olw’obuyambi bw’ensimbi bwebagyiwa, bweyagambye nti bwebugyisobozesezza okusigala ngeweereza Katonda, bukya egunjibwawo mu 1936.

Bwanamukulu w’ekigo kya Yezu Kabaka, Msgr. Gerald Kalumba y’asiimye abayimbi ba kkwaya eno olw’okuwangayo obudde bwabwe, ensimbi zaabwe, ate ggwe wamma n’amaloboozi gaabwe,  nebayigiriza abantu ba Katonda Evanjri, ate nga tebasasulwa.